147r - - - - - [continued]
Advise bien de fayre un bort de cire fondue avecq le fer
chault tout aultour du bort de la coquille haulte qui est vers
la queue affin de fayre mieulx le gect Et faicts que deulx
petits cordons de la mesme cire r respondent du bout de la
coquille du ventre audict bort de cire qui est aultour de la coquille
de leschine et que la tortue de queue de la tortue demeure entre
ces deulx cordons Cest pour faire le gect mieulx Cela
faict huile ton moule et ce qui paroistra de la coquille Mects
le cercle aultour & gecte avecq eau chaulde comme devant y
observant ce que tu as observe Fays de mesme pour mouler
la troisiesme partye qui est la queue Et ayant faict prise
TuDespouille ton moule Oste le contour dardille nettoye
ton moule & unis le & laplanis de tous costes avecq un
costeau comme les aultres molles Trempe le dans leau
legerement puys essaye de le despouiller Communement on
commancement par lea dos coquille du dos cest cest adire
le molle de dessus qui est de deulx moicties Et cestuy la
est plus facile a despouiller Laultre suict apres mays
a cause quil est voisin des espaules de la tortue qui sont
profondement enfoncees Il est quelque fois malaise
par ainsy en crollant & tirant le molle doulcement Advise
de tire celuy qui se presentera le plus facille car il les
fault despouiller lun apres laultre Le plus malaise
de tous est celuy qui moule lea de gorge le dessoubs des
pattes & ces creuses espaulieres qui sont de si mauvaise
despouille que si tu ny pouvois remplissant de cire
plustost que mouler ce qui ne sera point en despouille
il sera malaise que tu en retires tes pieces sans rompre
quelque chose Mays si cela tadvient encores y a il
remede pourveu que tu gardes pi bien les pieces rompues
Car tu les peulx rassembler avecq des poinctes de fer asses
fortettes & remplir la fente ou default qui y pourra estre
avecq cire fondue & le fer chault comme des aultres Affin que
le noyau pour mouler creulx se fasse mieulx Apres
Va au second foeillet
at left bottom margin
Pour eviter
de rompre en
despouillant
advise de bien
descouvrir
iusques a ce
qui peult tenir