146v - - - - - Mouler tortues
Cecy est en suicte du deuxieme foeillet præcedent
Comme tu as bien descouvert la partie du ventre de la
tortue les dessoubs de la gorge & des pattes & bien nettoye
le tout Noublie pas de descouvrir nettement ceste concavite
que ces animaulx ont dans leur coquille entre le col & les
espaules Celles deau ne lont pas si enfonce que celles de
garrigue qui sont les plus maigres Et entre icelles
il en y a qui lont plus enfonce que les aultres Noublie
doncq de bien descouvrir tout cela pour mieulx representer
le naturel Mays sil y a quelque concavite qui sentourne
trop en dedans et ne soict point en voeue ne en despouille
Mects y de petits lopins de cire & avecq des poinctes
de gros fil de fer chault estants & adapte ladicte
cire Puys bouch bouche avecq de lardille molle lentree
de toutes ses cavites Mects le cercle dardille aultour
de ton moule faict desia de deulx pieces qui contient le
dos de la tortue Et pour mouler le ventre dicelle
il te le fault departir en trois comme tu vois Scavoir
tu mectras un entre deulx dardille dessus la gorge & un
aultre sur le bort de la coquillle de la queue # Et ayant
huile et la coquille du ventre & layant frotee deau de
vye Iecte ton sable un peu espes & destrempe avecq eau
chaulde comme devant Ayant faict prise Oste ces entredeulx
dardille puys descouvre bien les pattes de devant & derriere
scavoir la partie de dessoubs & la queue & la gorge
& oste lardille des cavites qu toute a une piece si tu peulx
car cela te monstrera si ceste cavite sera bien en despouille
Et si lardille retiree emmene la cire que tu y avois mis
remects la aulx lieulx qui ne peuvent despouiller comme dict
est Et si quelque partye cest retiree ou desmise attache
& rejoincts la au moule avecq de la cire & la poincte de fer
chault Noublie de mectre de po la cire fondue au bout
des ongles de la tortue pour faire le gect Ta coquille
du ventre moulee et descouverte @ Ton moule se verra en ceste sorte
Figure at left middle margin
at left middle margin
de sorte que la
seule coquille du
ventre entiere soict
descouverte pour
la mouler seule
Figure at left bottom margin
[continued]