Making and Knowing
A minimal edition of BnF Ms Fr 640

[TOC] | [translation]

- - - - - folio image: 146r - - - - -

[continued]

affin quelle se mouille par tout sinon mouille la
avecq un gros pinceau dedie a cela Puys passe
par le bout du moule qui clost le cercle ton bout
de fil de fer qui tient le gect de cire et en fends
le fermouer dardille comme tu vois & le pose le bas
pourveu que lherbe ou fleur ne touche a aulcune chose
& puisse laisser assez despesseur au moule Car le
sable destrempe haulse tousiours lherbe ou fleur
Ainsy si elle nest roide delle mesme passe avecq
une aiguille du filet delie po sur la fleur pour
la garder denlever Ou si tu ten oublioys baise
la fleur avecques quelque bpetit bastonceau jusques
a ce que le sable gecte se commance a despaissir
Ta fleur estant bien disposee DChoisis une
escuelle asses grande pour y destremper aultant
de sable quil en faict besoing pour remplir ton
moule Mects y un peu deau de sel armoniac puys
de leau de fontaine et comme l’eau enscuelle sera presque
pleine Mects y en saulpouldrant ton sable &
mesle & le dilaye bien affin quil soict tout un
car sil estoit amatonne il gasteroit le moule
Pour les fleurs il ne veult pas estre si espes
et mesmement au commancement que tu verseras a saults
le plus cler sur la fleur & comme elle en sera a demy
couverte soufle fort par tout pour faire perdre
les petites bulles Apres acheve de remplir & soufle
tousjours Fais un peu pancher le moule vers le
plus large Et si tu trouves quelque reste du sable
espes qui ne soict pas bien deslaye gecte le plustost
vers le gect quailleurs En fin tu peulx bien gecter
du sable destrempe plus espes affin de faire faire
prise plustost Jay ainsy moule un solcy avecq
ses foeilles Le crocum ferri est plus seur pour les
fleurs @ et quand il y ha crocum lute avecq le mesme sable
qui ha servi et est le plus excellent de tous

at left top margin

La ligue dont j’ay gecte une grande branche de soulcy qui avecq sa fleur ses boutons
et ses foeilles est venue
nect comme le naturel
escrit dune lb destain
fin
mesle de deulx
unces de plomb

at left top margin

Sil y a quelques
baves repare
avecq un trancheplume

at left top margin

Descouvre la
fleur moulee en
deffaisant doulcement
avecq la poincte
dun cousteau le
Moule & pour mieulx
trempe le bien dans
leau Apres use
de sayes de porceau
dun bout de fil de
fer
&
Quand le moule
est recuit la premiere
fois laisse le a
demy refroidir
puys passe par le
gect un fil de fer
doulcement pour faire
ouverture a la cendre
bruslee dedans apres
soufle dedans avecq un
souflet puys renverse
le moule sur le gect
pour faire tout sortir
& par fois suppe et
attire avecq la bouche

at left bottom margin

@ Advise de natacher
pas trop la queue
de la fleur au gect
de cire de peur de
gaster quelque chose
quand tu retireras
le gect de cire
Pour le retirer il
le fault un peu
deschausser tout
aultour & puys le
tirer avecq tes petits
molets par la queue
de fer