[TOC] | [translation]

[continued]

Mais pourceque les doigts ne pressent point uniment on
car si tu presses par les bords le milieu demeurera creulx
Commance doncq par le milieu & puys suis les bords Mays
pour mieulx fayre Mects sur la medaille quelque chose
platte & unie ou quelque grosse limee quarree & presse avec
cela car tu presseras esgallement Quelquefois apres
l avecq le genoul autrefois avecq le pied deschausse du
soulier & fais que los soict par dessus Ainsy tu lemprand
lempraindras sans le rompre Si du premier coup il nest
bien moule retournes y plusieurs fois Puys repare
& unis par les costes tes d moicties de los moule &Et pour
le bien couper commance tousjours du plus tendre venant
a lescaille Et si ta medaille ne sort delle mesme gratte
par derriere los qui est raboteux et elle despouillera
Quand tu vouldras gecter, asseure & joincts tes deulx
os avecq de petites pointes de bois & Mays pour mouler
bien net il ny ha que nostre sable

Mouler herbes et fleurs

Il ny fault point de plateines dardiles pourceque
les herbes ou fleurs ne se couchent pas dessus
mays comme en lair sans toucher daulcun coste a
aulcune chose &Seulement est es il besoing du
cercle & contour qui doit estre plus hault quaulx
moules plats Et par ainsy advise bien de le
faire fort et espes selon la grandeur quil te
creveroit Aultrement il se crenroit le sable
estant dedans Asseure le & le fortifie bien par
le pied & joincts bien toutes les joinctures Puys
ayes ta fleur bien joincte & asseureent adaptee au
bout de cir du gect de cire qui ne soict poinct rude
ains uny affin quil se puisse bien despouiller
Puys trempe ta fleur ou herbe dans de bonne
eau de vie ou bien moin mise dans un long verre

[continued]

at left top margin

** fleurs **

+@ Quand tu les moules
si elles ne sont asses
fortes pour se tenir
droictes passe un
filet par le moule
pour les garder
quelle ne se haulssent
& gecte le sable peu a peu
& soufle tousjours
fort affin quil
sassoye par tout
Aultrement il viendra
grumeleus

Pourceque tu ne
mects poinct en cecy
de platine dardille
le moule quelque
fois tient sur la table
que tu las gecte
Pour le faire
deffaire frappe un
grand coup dun marteau
au coste de la table

Figure at left bottom margin

at left bottom margin

Cest asses de recuire
une fois ton moule
luthe pour fleurs & la seconde fois
le chaufer Si tu gectes en estain & plomb
car pour lor & largent il le fault
recuire deulx fois

at bottom margin

@ Gecte bien rouge ton estaim dans
le moule tellement chault que tu y
puisses tenir le doigt sans læsion dans le pertuis