145r - - - - - Gecter en trois chassis
On gecte en trois chassis des mortiers de bronze & choses
semblables, qui sont bien en despouille, sçavoir le cors
du mortier dans l’un les deulx chassis le noyau dans l’aultre @ Et le cul du mortier noyau dans lautree tiers,
pource que aultrement la mouleure qui y est
ne seroit pas en despouille.
at left top margin
at left top margin
Inquire
Figure
A
Os de seiche
Il n’y fault gecter l’estain ne plomb trop chault car il brusleroit
l’os & viendroict grumeleus. Et pour sçavoir quand il sera en bonne
chaleur, trempe dedans un petit papier retors. S’il le noircist
sans l’allumer, il est en bonne chaleur. Mays s’il le brusle & y mect
le foeu, il est trop chault. L’or & l’argent s’y peuvent bien gecter,
mays jamays il ne vient bien net. Pour bien mouler quelque
chose delicate, il ne fault pas que l’os soit si sec Si, car il est
brusc & ne despoille pas net & s’esmie & s’escaille. Touteffois, plustost
qu’y gecter, seiche les; & principallement pour l’or, qui ne veult point
d’humidité. Tu cognoistras qu’ilz sont assés secs quand, aprés
avoir un peu aproché du foeu le dedans & empraincte d’iceulx, ilz
crient & petillent estant aproché de l’oreille. Lors joins les & lute
les joinctures d’un peu d’ardille & fais la legerement seicher au
foeu, & gecte & puys branle le moule ou gratte sur la rude
escaille & laisse refroidir plustost qu’ouvrir. Communement on coupe
l’os par le milieu, et la partie la plus mousse et qui n’ha
pas des demy cercles est la plus delicate et plus unye
pour mouler, & par ainsy on y empraint tousjours le principal,
l’aultre est escaillée par dedans comme elle demonstre par dehors.
Ainsy on ne s’en ayde poinct en choses delicates qui se moulent
en deulx endroicts. On unist & aplatist ces deulx moictiés sur
quelque bois uny, puys on ratisse du charbon dessus pour
le fayre bien despouiller. Et pour fayre courre esgallement
le charbon par tout, on frappe sur le costé de la main qui tient
la moictié de l’os. Estant touts deulx charbonnés, on prend le
principal os qui est praeparé & arrondy par les costés, et
ayant posé la medaille dessus, on la serre et presse bien fort.
[continued]