Making and Knowing
A minimal edition of BnF Ms Fr 640

[TOC] | [translation]

- - - - - folio image: 145r - - - - -

Gecter en trois chassis

On gecte en trois chassis des mortiers de bronze & choses
semblables qui sont bien en despouille Scavoir le cors
du mortier dans l’un les deulx chassis le noyau dans l’aultre @Et le cul du mortier noyau dans lautree tiers
pour petit ouvrage pourceque aultrement la mouleure qui y est
ne seroit pas en despouille

at left top margin

at left top margin

Inquire

Figure Figure A

Os de seiche

Il ny fault gecter lestain ne plomb trop chault car il brusleroit
los & viendroict grumeleus Et pour scavoir quand il sera en bonne
chaleur trempe dedans un petit papier retors Sil le noircist
sans lallumer il est en bonne chaleur Mays sil le brusle & y mect
le foeu il est trop chault
Lor & largent sy peuvent bien gecter
Mays jamays il ne vient bien net Pour bien mouler quelque
chose delicate il ne fault pas que los soit si sec Si car il est
brusc & ne despoille pas net & sesmie & sescaille Touteffois plustost
qui gecter seiche les & principallement pour lor qui ne veult point
dhumidite Tu cognoistras quilz sont asses secs quand apres
avoir un peu aproche du foeu le dedans & empraincte diceulx ilz
crient & petillent estant aproche de loreille Lors joins les & lute
les joinctures dun peu dardille & fais la legerement seicher au
foeu & gecte & puys branle le moule ou gratte sur la rude
escaille & laisse refroidir plustost quouvrir Communement on coupe
los par le milieu Et la partie la plus mousse et qui nha
pas des demy cercles est la plus delicate et plus unye
pour mouler & par ainsy on y empraint tousjours le principal
laultre est escaillee par dedans comme elle demonstre par dehors
Ainsy on ne sen ayde poinct en choses delicates qui se moulent
en deulx endroicts On unist & aplatist ces deulx moicties sur
quelque bois uny Puys on ratisse du charbon dessus pour
le fayre bien despouiller Et pour fayre courre esgallement
le charbon par tout on frappe sur le coste de la main qui tient
la moictie de los Estant touts deulx charbonnes on prend le
principal os qui est praepare & arrondy par les costes Et
ayant pose la medaille dessus on la serre et presse bien fort

[continued]