[TOC] | [translation]

[continued]

estant ainsy disposée & bien nettoyée avecq les broisses,
pose la le cercle d’ardille aultour de la platene. Puys, avecq
une liste d’ardille posée sur le milieu deu la dos de la tortue, comme
tu vois, & à l’endroit du plus large, divise ton moule. Consequement,
huile avecq ton pinceau, dedié à cela, la moictié de la coquille
que tu veulx mouler. Destrempe en eau chaulde, en sorte que
sans te brusler tu y puisses tenir le doigt sans te brusler,
ton sable un peu p espés. Et plustost f que le gecter, frotte la
coquille d’eau de vye. Et aprés, gecte ton sable & luy laisse
faire prise et note que toute chose qui ha coquille ou qui
est dure et ne preste poinct, comme les serpents & laisards, veult
estre huilée pour despouiller. Les choses qui prestent n’en
ont point de besoing. L’eau chaulde faict que le sable destrempé
en eau s’assoit mieulx sur l’huile, qui aultrement refuseroit.
Ta moictié de tortue estant ainsy desp moulée, separe la avecq
son demy mole de sa platine d’ardille, que tu mectras à part
pour luy retourner quand il sera besoing. Aprés, nettoye ton
demy moule, & l’unys & aplanis, comme les aultres. Mays pource que
il se trouvera qu’à cause due l’entredeux d’ardille, le demy
moule comprendra plus que la moictié de la tortue, couppe &
retranche uniment ce qui excedera, & nettoye bien tout avecq
les broisses. Puys, fais par le dessus du bort du moule,
du costé qu’il est coupé & my party, deulx coches, comme aulx
aultres molles et retourne ta tortue sur sa platine comme elle
estoict & luy asseure les deulx pattes qui ne sont pas moulées
avecq des poinctes de fil de fer. Et bouche tout aultour ce qui
est de vuide, jusques au bord de la coquille haulte avecq de
l’ardille. Aprés, pose le cercle aultour et mects un entredeulx
d’ardille sur le premier moule, un peu par dessus les coches.
Et ayant huilé le dpremier demy molle & ses coches et la
coquille de la tortue, & l’ayant aussy arrosée d’eau de vye,
chaufe ton eau, destrempe ton sable avecq un peu d’eau de sel
armoniac & ladicte eau chaulde, & gecte. Ayant faict prise,
aproprie les costés de ces deulx molles uniment & à chasque
costé asseure leur joincture, qui ne se cognoist que bien peu, avecq
deulx crampons, affin qu’en descouvrant aprés le dessoubs de
la tortue, ilz ne se deffacent point. Aprés, descouvre le costé
du ventre & de la gorge, en la fasson que tu descouvres une
escrevisse, qui est la plus difficile à mouler des bestions
qui se moulent à deulx moictiés.

at left top margin

Figure

at left middle margin

Figure

at left bottom margin

Tu pourrois bien
mouler la tortue
d’une piece de chasque
costé, mays il la
fauldroit brusler.
Et aprés, pour
faire le creulx,
le moule recuit ne
se peult gueres bien
huiler à cause qu’il
boit l’huile.

at left bottom margin

+ S’il y a du crocum
dans le sable, les
joinctures des
molles ne se
cognoissent presque
point.

at bottom margin

Tourne au second foeillet.

[continued]