[TOC] | [translation]

[continued]

estant ainsy disposee & bien nettoyee avecq les broisses
pose la le cercle dardille aultour de la platene Puys avecq
une liste dardille posee sur le milieu deu la dos de la tortue comme
tu vois & a lendroit du plus large divise ton moule Consequement
huile avecq ton pinceau dedie a cela la moictie de la coquille
que tu veulx mouler Destrempe en eau chaulde en sorte que
sans te brusler tu y puisses tenir le doigt sans te brusler
ton sable un peu p espes Et plustost f que le gecter frotte la
coquille deau de vye Et apres gecte ton sable & luy laisse
faire prise Et note que toute chose qui ha coquille ou qui
est dure et ne preste poinct comme les serpents & laisards veult
estre huilee pour despouiller Les choses qui prestent nen
ont point de besoing Leau chaulde faict que le sable destremp
en eau sassoit mieulx sur lhuile qui aultrement refuseroit
Ta moictie de tortue estant ainsy desp moulee separe la avecq
son demy mole de sa platine dardille que tu mectras a part
pour luy retourner quand il sera besoing Apres nettoye ton
demy moule & lunys & aplanis comme les aultres Mays pourceque
il se trouvera qua cause due lentredeux dardille le demy
moule comprendra plus que la moictie de la tortue Couppe &
retranche uniment ce qui excedera & nettoye bien tout avecq
les broisses puys fais par le dessus du bort du moule
du coste quil est coupe & my party deulx coches comme aulx
aultres molles Et retourne ta tortue sur sa platine comme elle
estoict & luy asseure les deulx pattes qui ne sont pas moulees
avecq des poinctes de fil de fer Et bouche tout aultour ce qui
est de vuide jusques au bord de la coquille haulte avecq de
lardille Apres pose le cercle aultour Et mects un entredeulx
dardille sur le premier moule un peu par dessus les coches
Et ayant huile le dpremier demy molle & ses coches et la
coquille de la tortue & layant aussy arrosee deau de vye
chaufe ton eau destrempe ton sable avecq un peu deau de sel
armoniac & ladicte eau chaulde & gecte Ayant faict prise
aproprie les costes de ces deulx molles uniment & a chasque
coste asseure leur joincture qui ne se cognoist que bien peu avecq
deulx crampons affin quen descouvrant apres le dessoubs de
la tortue ilz ne se deffacent point Apres descouvre le coste
du ventre & de la gorge en la fasson que tu descouvres une
escrevisse qui est la plus difficile a mouler des bestions
qui se moulent a deulx moicties

at left top margin

Figure

at left middle margin

Figure

at left bottom margin

Tu pourrois bien
mouler la tortue
dune piece de chasque
coste mays il la
fauldroit brusler
Et apres pour
faire le creulx
le moule recuit ne
se peult gueres bien
huiler a cause quil
boit lhuile

at left bottom margin

+ Sil y a du crocum
dans le sable les
joinctures des
molles ne se
cognoissent presque
point

at bottom margin

@Tourne au second foeillet.

[continued]