144r - - - - - Tortues
Celles deau sont plus belles & aisees a mouler que celles
estant plus plattes & ayant la teste & queue plus longues
q et les pattes plus droictes & mieulx en despouille que celles
de garrigue qui sont maigres ridees & fort enfoncees
dans leurs coquille Qui ont aussy le dessus de la
coquille plus rond & touteffois plus estroit v par les bords
que vers le milieu Qui est cause quel leur coquille de dessus
ne se peult pas bonnement mouler en une piece comme celles deau
Doncq Par ainsy tu mouleras leur coquille de dessus
de deulx pieces Celles de bas de deulx ou trois ou quattre
selon lexigence Mays note que si tu veulx despouiller ta
tortue du moule sans la brusler quil la fault ainsy
mouler de plusieurs pieces Mays si tu la veulx faire p
brusler dedans Tu pourras mouler la coquille de dessus
dune seule piece Doncques pour mectre la main a loeuvre
apres que tu lauras faicte entierement mourir dans le vinaigre
& urine comme dict est Laisse la bien seicher Et la nettoye
bien avecq tes sayes Apres pas ayes ta platine dardille
et la pose dessus et acache la un peu affin que la coquille
de dessoubs si encoche Luy ayant neantmoins faict plustost le
plant de la teste avec une poincte fortete comme des aultres animaulx
la luy faisant tenir haulte par le moyen de un quelque peu
dardille fresche que tu adapteras par dessoubs Estire ladicte
teste & pattes avecq tes petites pinsettes La teste disposee pose
dextrement d un grain de mil jaulne dans chascun oeil avecq les
pinsettes pourceque aussy tost quelles sont mortes les yeulx sont
creves et purulents Aultant en peulx tu faire a tous aultres
animalets avecq de la graine de grand passevelours du petit et la
graine de chou navette &c Ce faict tu disposeras les pates les
asseurant avecq des poinctes de fer Et puys avecq de lardille
bouche tout le vuyde daultour la tortue cest a scavoir ce qui est
entre les deulx coquilles Affin que le sable y entrant nempesche
de despouiller Et pourceque les pattes doibvent estre plus
basses que la coquille s deu de ventre fais une petite fossette
dans la platine dardille pour les y adapter Ta tortue
at left top margin
Quand elles
sont mieulx
mortifiees &
reposees deulx
ou trois jours
elles se plient
et manient
mieulx
at left middle margin
Figure
at left bottom margin
yeulx
danimaulx
de mon
invention
at left bottom margin
Figure
[continued]