142v - - - - - Mouler saulterelles et choses
trop tanvres
Si tu as à mouler un papier escript qui soict trop tanvre,
aprés que tu as faict le premier gect & qu’il ha faict prise,
donne un peu d’espesseur au revers de ton papier avecq du
beurre fondu, qui est le plus propre moyen qui soict; & pour
fortifier les aisles ou d’un papillon ou d’une sauterelle,
ou quelque delicate partye d’animal à quoy tu as besoing
de donner espesseur. Mays advise d’apliquer ce beurre fondu
dessoubs l’aisle ou en tel lieu qu’il ne soict poinct voeu.
Pour donner espesseur à une pensée ou aultres fleurs,
le boeurre n’est pas bon, ains l’huile de froment, qui est bien
tost sec & tient ferme. La cire n’y seroit pas propre
car elle est trop chaulde, estant fondue, & faict retirer
la chose à quoy elle est apliquée. Mays le boeurre
est amiable et maniant.
at left top margin
Si tu escripts
sur papier ou carton
commun, & que ta
lettre soict à gomme,
l’humidité de la
plaste d’ardille ou
le sable destrempé
pour noyau humecteront
ta lettre & la defferont.
Escripts doncq de
cinabre destrempé
à huile sur du
papier huilé &
imprime.
at left middle margin
+ Recuits tes moules
avecq charbons allumés
premierement à la forge,
affin que le foeu ne soit pas si violent & ne rompe pas les moules.
Et ne faicts pas tant de foeu où le moule est
tanvre comme au lieu où
il est espés.
Moules
Fais les coches d’iceulx qui entrent plus au dedans
du molle qu’au dehors, car en ceste sorte ilz ont plus
de force. Garde bien de les recuire à coup & à foeu trop
ardent, car cella les faict fondre rompre.
at right middle margin
Ne les tiens pas en lieu humide
ne enclos, s’ils ne sont bien secs,
car ilz se moisissent. Les
animaulx sechés aussy.
at left middle margin
@ Il ne fault poinct
deulx fois recuire les
moules quand l’animal
se peult retirer sans
brusler, comme faict un
crapault, qui se peult
bien mouler creux comme tous
animaulx espés. Touteffois
il est tousjours bon
de rougir une fois
le moule.
Luth pour luther tes moules
Je n’en ay point trouvé de plus tost faict que cestuy cy,
ne de meilleur. Prens de ceste terre maigre, de laquelle les
fondeurs d’artiglerie & de cloches font leur trusseaulx
et moules, qui est maigre & sabloneuse. Destrempe lea
mediocrement comme mortier fort espés. Mesles y environ
la moictié de fiente de cheval & puys la fais battre
fort. Aprés mesles y la tierce partye de bourre descardé
ou de tondure de draps, et la bats encores bien fort.
Tu peulx recuire ton moule aussytost que le luth
sera posé.