142v - - - - - Mouler saulterelles et choses
trop tanvres
Si tu as a mouler un papier escript qui soict trop tanvre
apres que tu as faict le premier gect & quil ha faict prise
donne un peu despesseur au revers de ton papier avecq du
beurre fondu qui est le plus propre moyen qui soict & pour
fortifier les aisles ou dun papillon ou dune saulterelle
ou quelque delicate partye danimal a quoy tu as besoing
de donner espesseur Mays advise dapliquer ce beurre fondu
dessoubs laisle ou en tel lieu quil ne soict poinct voeu
Pour donner espesseur a une pensee Ou aultres fleurs
le boeurre nest pas bon Ains lhuile de froment qui est bien
tost sec & tient ferme La cire ny seroit pas propre
Car elle est trop chaulde estant fondue & faict retirer
la chose a quoy elle est apliquee Mays le boeurre
est amiable et maniant
at left top margin
Si tu escripts
sur papier ou carton
commun & que ta
lettre soict a gomme
Lhumidite de la
plaste dardille ou
le sable destrempe
pour noyau humecteront
ta lettre la defferont
escripts doncq de
cinabre destrempe
a huile sur du
papier huile &
imprime
at left middle margin
+ @Recuits tes moules
avecq charbons allumes
premierement a la forge
affin que le foeu ne soit pas si violent & ne rompe pas les moules
Et ne faicts pas tant de foeu ou le moule est
tanvre comme au lieu ou
il est espes
Moules
Fais les coches diceulx qui entrent plus au dedans
du molle quau dehors car en ceste sorte ilz ont plus
de force Garde bien de les recuire a coup & a foeu trop
ardent car cella les faict fondre rompre
at right middle margin
Ne les tiens pas en lieu humide
ne enclos sils ne sont bien seces
car ilz se moisissent Les
animaulx seches aussy
at left middle margin
@ Il ne fault poinct
deulx fois recuire les
moules quand lanimal
se peult retirer sans
brusler comme faict un
crapault qui se peult
bien mouler creux comme tous
animaulx espes toutesfois
il est tousjours bon
de rougir une fois
le moule
Luth pour luther tes moules
Je nen ay point trouve de plustost faict que cestuy cy
ne de meilleur Prens de ceste terre maigre de laquelle les
fondeurs dartiglerie & de cloches font leur trusseaulx
et moules qui est maigre & sabloneuse Destrempe lea
mediocrement comme mortier fort espes Mesles y environ
la moictie de fiente de cheval & puys la fais battre
fort apres mesles y la tierce partye de bourre descarde
ou de tondure de draps Et la bats encores bien fort
Tu peulx recuire ton moule aussy tost que le luth
sera pose.