[TOC] | [translation]

[continued]

ne se descouvrent pas tant. Mays pource que l’escrevisse
est malaisée à brusler & nettoyer, il y fault descouvrir
le plus qu’on peult, mesmement les petites jambes jusques au
bout, car celles sont malaysées, & si pour n’estre descouvertes
il te les falloit tirer, tu pourrois rompre quelque chose
du moule. En descouvrant avecq la poincte d’un costeau,
tantost d’un burin ou aultre chose propre, nettoye bien
curieusement le sable qui sera aulx joinctures & ailleurs
avecq tes petites broisses. Et s’il se desprend quelque
chose, attache le avecq cire comme dict est. Et attache aussy
de mesme les cornes. Et fais aussy le gect le long du
bout des petites jambes avecq de la cire. Et remplys
d’icelle les trous qu’auront faict les poinctes de fil de fer.
Et tout estant bien net & plus que la moictié descouvert,
huile toutn moule & n’oubli aprés avoyr trempé le revers
dans l’eau, & n’oublie pas d’huiler toutes les partyes subtilles
qui sont entre les jambes et les petits becs. Puys frotte
l’escrevisse d’eau de vye. Et fais ton second gect ayant
aplany le premier moule, affin que les crampons se
joignent mieulx. Ton moule doibt estre plus large du
costé qu’il est emprainct que du dos. N’ouvre pas ton
moule apres le second gect qu’il n’aye este luté & recuit
& que ce qui est dedans ne soict bruslé. N’oublie pas de
mectre du crocum parmy ton sable quand tu moules
l’escrevisse, car il fault fort recuire & le crocum soubstient
merveilleusement. Mouler un chancre & une escrevisse, c’est
tout un. Quand tu as descouvert ton escrevisse d’un
costé, ne differe que le moings que tu pourras pour
fayre le second gect, car el les escrevisses se se desseichent.
Ce n’est pas tout de bien descouvrir l’escrevisse de sorte
que tu voyes toute une moictié, mays advise bien que ton
moule mesmes dans lequel tu descouvres soict bien en
despouille, car encores que l’escrevisse fust bien
bruslée, tu ne despoui pourrois pas ouvrir ton moule
sans rompre.

at top margin

Repare avecq trancheplumes, limes, petites chaples, burins &c.

at left top margin

Fais leur tout
aultour, comme tu
vois, un gect de
cire & au bout
de la queue
aussy deulx ou
trois d’où tu feras
le principal gect.

Figure at left middle margin

at left middle margin

Fais gect de cire
alongée en fil comme
grosse fisselle, tout
le long du bout des
pates & àu l’extremité
de la queue. S’il
y a aussy quelque
bout de patte ou
aultre partie qui
soyt esloignée du
rang des aultres
ou eslevée en hault
ou plyée toute
seule, donne luy un
gect de cire qui
de son extremité
s’aille joindre ou au
corps ou à l’une des
grosses pates ou à
quelque aultre endroit qui reçoive force metal.

at left bottom margin

Ayant descouvert,
attache & asseure
avecq de la cire
les deulx petites
cornes barbues
de l’escrevisse
& toute aultre
chose qui ne
sera poinct en
despoui asseuré.