[TOC] | [translation]

[continued]

ne se descouvrent pas tant Mays pourceque lescrevisse
est malaisee a brusler & nettoyer Il y fault descouvrir
le plus quon peult mesmement les petites jambes jusques au
bout car celles sont malaysees & si pour nestre descouvertes
il te les falloit tirer tu pourrois rompre quelque chose
du moule En descouvrant avecq la poincte dun costeau
tantost dun burin ou aultre chose propre nettoye bien
curieusement le sable qui sera aulx joinctures & ailleurs
avecq tes petites broisses Et sil se desprend quelque
chose attache le avecq cire comme dict est Et attache aussy
de mesme les cornes Et fais aussy le gect le long du
bout des petites jambes avecq de la cire Et remplys
dicelle les trous quauront faict les poinctes de fil de fer
Et tout estant bien net & plus que la moictie descouvert
huile toutn moule & noubli apres avoyr trempe le revers
dans leau & noublie pas dhuiler toutes les partyes subtilles
qui sont entre les jambes et les petits becs puys frotte
lescrevisse deau de vye Et fais ton second gect ayant
aplany le premier moule affin que les crampons se
joignent mieulx Ton moule doibt estre plus large du
coste quil est emprainct que du dos Nouvre pas ton
moule apres le second gect quil naye este lute & recuit
& que ce qui est dedans ne soict brusle Noublie pas de
mectre du crocum parmy ton sable quand tu moules
lescrevisse Car il fault fort recuire & le crocum soubstient
merveilleusement Mouler un chancre & une escrevisse cest
tout un Quand tu as descouvert ton escrevisse dun
coste Ne differe que le moings que tu pourras pour
fayre le second gect Car el les escrevisses se se desseichent
Ce nest pas tout de bien descouvrir lescrevisse de sorte
que tu voyes toute une moictie Mays advise bien que ton
moule mesmes dans lequel tu descouvres soict bien en
despouille Car encores que lescrevisse fust bien
bruslee tu ne despoui pourrois pas ouvrir ton moule
sans rompre

at top margin

Repare avecq trancheplumes limes petites chaples burins &

at left top margin

Fais leur tout
aultour comme tu
vois un gect de
cire & au bout
de la queue
aussy deulx ou
trois dou tu feras
le principal gect

Figure at left middle margin

at left middle margin

Fais gect de cire
alongee en fil comme
grosse fisselle tout
le long du bout des
pates & au lextremite
de la queue Sil
y a aussy quelque
bout de patte ou
aultre partie qui
soyt esloignee du
rang des aultres
ou eslevee en hault
ou plyee toute
seule donne luy un
gect de cire qui
de son extremite
saille joindre ou au
corps ou a lune des
grosses pates ou a
quelque aultre endroit qui recoive force metal

at left bottom margin

Ayant descouvert
attache & asseure
avecq de la cire
les deulx petites
cornes barbues
de lescrevisse
& toute aultre
chose qui ne
sera poinct en
despoui asseure