[TOC] | [translation]

[continued]

Ayant doncq laissé un peu seicher ton escrevisse au soleil ou
de soy mesme, si elle ha des oeufs, ilz s’apetisseront en se sechant
et n’en seront que plus beaulx. Fays doncq ta plaste de terre
jaulne de potier comme pour les aultres figures, couche dessus
ton escrevisse les dos dessus en bas & les pattes, le ventre & les
œufs, qui sont toutes parties plus fantasques à mouler,
en contremont et en sus. Enfonce le dos dans la plaste
d’ardille jusques pres des pates, qui est environ la moictié.
Et arreste le corps avecq une poincte de fil de fer au
milieu, & s’il te semble besoing une aultre au bout de la
queue. Et affin que les grosses pattes se monstrent plus basses
que la teste, qui est enf à demy enfoncée, estends les
& par dessoubs adjoustes y un peu d’ardille pour les
relever. Cache aussy les cornes dans l’ardille dessoubs
les grosses pates, pour aprés les disposer comme il te
playra. Quand aulx petites pattes, estends les sur
l’ardille jusques à la joincture, et l’aultre moictié des
jambes demeure en hault recourbé pour le premier
gect. Touteffois, affin qu’elles ne bougent & s’enlevent
poinct, asseures les bien non seulement sur l’ardille, mays
att arreste les avecq de la cire & un petit fer chault
au droict des joinctures. Et si tu veulx faire trouver
le gect plus fantasque, tu peulx attacher le bout
de l’une des pattes avecq la mesme cire sur le corps
ou sur l’une des grosses pattes; et fayre aussy, si
elle ha des œufs, que la queue soict à demy replyée
sur les œufs, & l’arrester en ceste forme avecq une
poincte de fil de fer. Surtout advise comme la chose
s ainsy disposée se puisse bien nettoyer. Enfin ayant
frotté d’eau de vye l’escrevisse, gecte ton sable. Ayant
faict prise, descouvre le dos de l’escrevisse, la teste & les
yeulx & ses petits becs, les grosses pattes et les petites jambes
tout du long, car il fault descouvrir le plus qu’on peult,
et les longues cornes & la queue, sinon que tu l’ayes
pliée & recourvée pour tenir ses œufs. Les aultres animaulx

at left top margin

Asseure ce qui se
relevera, comme les
deulx corniches
bourrues prés de
la gueule, avecq de
la cire fondue par
dessoubs.

Figure at left top margin

at left middle margin

Descouvre le plus
que tu peulx, mays
advise que l’encochement
que tu fais dans
le moule soict bien
en despouille.

at left middle margin

Fais pancher le
moule du costé que
sera le plus espés
de l’animal.

at left bottom margin

Pour la paindre
on faict le milieu du
dos meslé de vermeillon
meslé d’un peu de laque,
et les costés & le
ventre & dessoubs des
pattes est d’une
carnation faicte de
vermeillon, de blanc
de ceruse, d’un peu d’ocre
jaulne. Et en cecy &
toutes aultres choses,
ayes tousjours le
naturel devant toy
pour l’imiter.

at left bottom margin

Couche les cornes sur les grosses
pates, &ou fais de fil de letton
blanchi & les soulde.

at bottom margin

Advise bien den moulant de disposer tellement les jambes
qu’elles ne passent point le ventre de l’escrevisse, Aultr et que
les posant elles s’assoyent bien sur le ventre, aultrement les
remuroient.

[continued]