Making and Knowing
A minimal edition of BnF Ms Fr 640

[TOC] | [translation]

- - - - - folio image: 141v - - - - -

[continued]

Ayant doncq laisse un peu seicher ton escrevisse au soleil ou
de soymesme Si elle ha des oeufs ilz sapetisseront en se sechant
et nen seront que plus beaulx Fays doncq ta plaste de terre
Jaulne de potier
comme pour les aultres figures Couche dessus
ton escrevisse les dos dessus en bas & les pattes le ventre & les
œufs qui sont toutes parties plus fantasques a mouler
en contremont et en sus Enfonce le dos dans la plaste
dardile
jusques pres des pates qui est environ la moictie
Et arreste le corps avecq une poincte de fil de fer au
milieu & sil te semble besoing une aultre au bout de la
queue Et affin que les grosses pattes se monstrent plus basses
que la teste qui est enf a demy enfoncee Estants les
& par dessoubs adjoustes y un peu dardille pour les
relever Cache aussy les cornes dans lardille dessoubs
les grosses pates pour apres les disposer comme il te
playra Quand aulx petites pattes estends les sur
lardille jusques a la joincture Et laultre moictie des
jambes demeure en hault recourbe pour le premier
gect Touteffois affin quelles ne bougent & senlevent
poinct asseures les bien non seulement sur lardille Mays
att arreste les avecq de la cire & un petit fer chault
au droict des joinctures Et si tu veulx faire trouver
le gect plus fantasque tu peulx attacher le bout
de lune des pattes avecq la mesme cire sur le corps
ou sur lune des grosses pattes Et fayre aussy si
elle ha des œufs que la queue soict a demy replyee
sur les œufs & larrester en ceste forme avecq une
poincte de fil de fer Sur tout advise comme la chose
s ainsy disposee se puisse bien nettoyer Enfin ayant
frotte deau de vye lescrevisse gecte ton sable Ayant
faict prise descouvre le dos de lescrevisse la teste & les
yeulx & ses petits becs les grosses pattes et les petites jambes
tout du long Car il fault descouvrir le plus quon peult
Et les longues cornes & la queue sinon que tu layes
pliee & recourvee pour tenir ses œufs Les aultres animaulx

at left top margin

Asseure ce qui se
relevera comme les
deulx corniches
bourrues pres de
la gueule avecq de
la cire fondue par
dessoubs

Figure at left top margin Figure

at left middle margin

Descouvre le plus
que tu peulx Mays
advise que lencochement
que tu fais dans
le moule soict bien
en despouille

at left middle margin

Fais pancher le
moule du coste que
sera le plus espes
de lanimal

at left bottom margin

Pour la paindre
on faict le milieu du
dos mesle de vermeillon
mesle dun peu de laque
Et les costes & le
ventre & dessoubs des
pattes est dune
carnation faicte de
vermeillon de blanc
de ceruse
dun peu docre
jaulne
Et en cecy &
toutes aultres choses
ayes tousjours le
naturel devant toy
pour limiter

at left bottom margin

Couche les cornes sur les grosses
pates &ou fais de fil de letton
blanchi & les soulde

at bottom margin

Advise bien den moulant de disposer tellement les jambes
quelles ne passent point le ventre de lescrevisse Aultr et que
les posant elles sassoyent bien sur le ventre Aultrement les
remuroient.

[continued]