140v - - - - - [continued]
graver sur largent & cuivre avecq leau fort Avecq icelle
aussy on prend le cave dun relief & puys on gecte dans ce
cave du sable destrempe qui represente derechef le relief
fort nettement Et puys tu peulx sur iceluy gecter le cave
diceluy en cuivre or et argent Et fayre des cachets de
grande singularite
at left top margin
Cachets
Pour gecter en soufre
Pour gecter nettement en soufre acoustre la miette de
pain soubs le brasier comme tu scais Moules en ce que
tu veulx & laisse seicher & tu auras ton ouvrage fort net
at left top margin
Essaye le soufre
passe par la cire
fondue pource quil
ne senflamme plus
& ne faict plus doeillets
Mouler et rapetisser une grande
figure
Moule le avecq mie de pain venant du four ou comme la
susdicte & en se seichant il sapetissera & par consequent
la medaille que tu y gecteras Tu luy peulx par ce
moyen en allongeant ou eslargisseant la miette emprainte
varier la figure & dun visage en fayre plusieurs
tous divers Le pain venant du four est meilleur Et
celuy qui est deulx fois recuit se retire dadvantage Tu
peulx gecter le soufre sans laisser seicher lempraincte
du pain si tu la veulx mouler aussy grande quelle est
Mays si tu la veulx laisser apetisser fais la seicher
ou plus ou moings
Gect de plomb et estain en
plastre
Si tu veulx gecter quelque medaille platte ou quelque
animal qui naye pas grand pois Et quil ne faille
poinct brusler dans le molle Tu peulx bien gecter en plastre
& brique mesles comme dessus Et non pas en plastre seul car
il se retire trop sentant aspre chaleur sil nest acompaigne
Mays avecq la brique il tient bon Touteffois advise
de deseicher ton moule a la longue & a foeu lent & avecq
patience Car il nest poinct besoing de le recuire Mays quand
ton ouvraige est de fleurs ou aultres choses qui veulent
estre leurs moules recuits & embrases mesles y de lalum de
plume & mesmes du crocum Jay moule en plastre & brique
tresnet & ha soubstenu plusieurs gects
at left middle margin
at left middle margin
Jay essaye le
plastre & brique seuls
et en ay moule en noyau
comme des aultres mon
moule a este fort net
ayant legerement huile &
frotte deau de vye ma
medaille Jay faict
mon gect ample a lentree
allant en se subtiliant
jusques a la medaille qui
estoit fort tanvre Jay
encoché le gect qui
embrassoit bien la
medaille Jay bien
desseiche le moule a
foeu lent & sur la fin
lay bien chaufe sans
le rougir Je lay laisse froidir de telle sorte
que je pouvois tenir le doigt sans me brusler
Jay faict ligue de 4 ℥ destain & six deniers
de plomb Jay gecte rouge il est tres bien venu
Jay apres mis sur 4 ℥
destain xii deniers de plomb il est
tres bien venu
at left bottom margin
Quand il ny a rien
a brusler dans le
moule Il nest point
necessaire de le
recuire pour le
plomb & estain
Mays pour
fleur & ce qui
doibt brusler sy