140r - - - - - [continued]
pas comme aultre chose, & pour ceste ocasion tu peulx gecter à deulx
ou trois fois jusques à ce que ton moule soict plain. Or quand
au moule qui est de plastre blanc pulverisé & recuit comme pour
le sable des præcedents, tu le doibs avoyr faict de longue
main, car il sert plusieurs foys. Mays plustost que t’en servir,
fais le tremper une bonne heure dans l’eau froide, & pour le
moings aultant dans l’eau si chaulde qu’au commancement, tu n’y puisses
tenir le doigt. Et q advise qu’il ne s’emboive b plus, ainsi ains
qu’il se demonstre bien mouillé partout sans que l’eau s’emboive
dans luy. Et le sortant clos de l’eau chaulde, gecte ta cire
en tel estat de chaleur que dict a esté. Et volontiers le
premier ne second gect ne vient gueres bien jusques à ce
que le moule soict imbu. Laisse le refroidir plustost que
l’ouvrir, affin que la chose gectée ne se rompe. Tu cognoistras
que le gect est bon quand la cire renversée par dehors le
moule est tanvre et unie. Souvienne toy de faire force
gects tout le long du moule, affin que la cire coure mieulx
ainsy.
Fais le premier
Figure
gect large deulx fois plus qu’aulx aultres
moules. Et si au premier gect ton ouvrage soufle et ne
vient pas bien net , c’est tout un, car il faut que tu faces
estat que les trois ou quattre premiers ne sont volontiers
pas bons. Au premier tu cognois s’il y a quelques barbes
qui gardent de bien despouiller, et tu les ostes si d’elle mesmes elles
ne s’ostent aulx deulx ou trois premiers gects. Et tant plus tu gecteras,
tant plus tu feras net, et ton moule te servira plus de cent fois
s’il est bien gouverné. Mays il est bon de le tremper une nuict ou
un jour plustost qu’i gecter, affin qu’il soict bien imbu. Le mesme
se doibt faire pour les fruicts de sucre. Ceste cire est fort
doulce & amiable & pliante comme cuivre, et si est forte à cause du
soufre qui la rend beaucoup plustost fondante que l’aultre, ainsy
que tu en peulx faire preuve sur une ardoise chaulde. Et le soufre
que tu y auras mis se trouvera, à la seconde foys que tu la fondras,
craqués au fonds. Ayant ainsy passé par la cire, il ne s’enflamme
poinct à la chandelle. Et à ceste ocasion que, je croy quil gecteroit fort
net en medailles. On se sert de la mesme cire au lieu de vernis pour graver
at left middle margin
Quand ton
animal est
gecté, coupe
aveq un tranche
plume chault
les baves &
choses superflues.
Et si tu le
veulx replier
& entourner
sur quelque
baston ou
cierge
mects le a
ramollir
sur dans
l’eau
chaulde
et luy tient en lentournant.
at left middle margin
Abas l’eminence
des gects affin
quilz soient
unis & que
la cire aye
plus de l’argent
pour courre
tout à un coup
sans tournoyer
par le reply
du serpent.
[continued]