140r - - - - - [continued]
pas comme aultre chose & pour ceste ocasion tu peulx gecter a deulx
ou trois fois jusques a ce que ton moule soict plain Or quand
au moule qui est de plastre blanc pulverise & recuit comme pour
le sable des præcedents Tu le doibs avoyr faict de longue
main car il sert plusieurs foys Mays plustost que ten servir
fais le tremper une bonne heure dans leau froide & pour le
moings aultant dans leau si chaulde quau commancement tu ny puisses
tenir le doigt Et q advise quil ne semboive b plus Ainsi ains
quil se demonstre bien mouille par tout sans que leau semboive
dans luy Et le sortant clos de leau chaulde gecte ta cire
en tel estat de chaleur que dict a este Et volontiers le
premier ne second gect ne vient gueres bien jusques a ce
que le moule soict imbu Laisse le refroidir plustost que
louvrir affin que la chose gectee ne se rompe Tu cognoistras
que le gect est bon quand la cire renversee par dehors le
moule est tanvre et unie Souvienne toy de faire force
gects tout le long du moule affin que la cire coure mieulx
ainsy
Fais le premier
Figure
gect large deulx fois plus quaulx aultres
moules Et si au premier gect ton ouvrage soufle et ne
vient pas bien net cest tout un car il faut que tu faces
estat que les trois ou quattre premiers ne sont volontiers
pas bons Au premier tu cognois sil y a quelques barbes
qui gardent de bien despouiller Et tu les ostes si delle mesmes elles
ne sostent aulx deulx ou trois premiers gects Et tant plus tu gecteras
tant plus tu feras net Et ton moule te servira plus de cent fois
sil est bien gouverne Mays il est bon de le tremper une nuict ou
un jour plustost qui gecter affin quil soict bien imbu Le mesme
se doibt faire pour les fruicts de sucre Ceste cire est fort
doulce & amiable & pliante comme cuivre et si est forte a cause du
soufre qui la rend beaucoup plustost fondante que laultre ainsy
que tu en peulx faire preuve sur une ardoise chaulde Et le soufre
que tu y auras mis se trouvera a la seconde foys que tu la fondras
craques au fonds Ayant ainsy passe par la cire il ne senflamme
poinct a la chandelle Et a ceste ocasion que je croy quil gecteroit fort
net en medailles On se sert de la mesme cire au lieu de vernis pour graver
at left middle margin
Quand ton
animal est
gecte coupe
avecq un tranche
plume chault
les baves &
choses superflues
Et si tu le
veulx replier
& entourner
sur quelque
baston ou
cierge
mects le a
ramollir
sur dans
leau
chaulde
et luy tient en lentournant
at left middle margin
Abas leminence
des gects affin
quilz soient
unis & que
la cire aye
plus de largent
pour courre
tout a un coup
sans tournoyer
par le reply
du serpent
[continued]