139v - - - - - [continued]
ou de terre ou de lames de cuivre ou de fer ou de bois
revestu de fer blanc pour y ensevelir plus commodement lesdicts
moules entre les planches de cuivre & lestrie ou vis de fer
Gect en cire pour representer
lanimal quon na point
Prens cire blanche qui est plus propre pour cest oeuvre que
nul aultre a cause quelle est plus ferme & ne laisse pas
tant de crasse Aultant que tu en auras besoing pour
mouler lanimal que tu proposes & non plus Et la
moictie aultant de charbon pile & subtillement passe par
un linge ou manche le charbon donne couleur et corps a la cire
qui aultrement seroit transparente & ne se verroit
pas si bien le traict Mects doncq ta cire a fondre
a foeu de charbons Et comme elle sera bien fondue & bien liquide
Ayes pour une pleine escuelle a oreille de cire fondue
du soufre la aultant quune grosse noix pulverise le
fais le fondre sur foeu lent & comme il sera fondu ne le
laisse pas sur le foeu car il viendroit trop dur Mays retire
le & le mouve tousjours avecq un petit baston & laisse passer
son ebullition & comme il sera liquide comme eau gecte le dans
la cire que tu auras ostee de dessus le foeu Et mesle &
remue tousjours lun & laultre affin quilz se meslent bien
Apres mesles y en remuant tousjours & a plusieurs foys
le charbon susdict pulverise a plusieurs foys Et comme il
sera bien incorpore Advise si ta cire a passe sa grande
chaleur ce que tu cognoistras quand elle ne fume plus quand
elle faict de grands traicts se retirants aulx borts & non meus
& pres de lun de laultre Car si tu gectois trop chault tu ne
pourrois separer ta cire du moule & prendroit au gect
Comme elle est en ce bon estat remue la dun/add> petit baston affin
que le charbon pulverise soict par tout & non pose au
fonds Et en ceste sorte gecte dans ton moule petit a petit
& non a coup pourceque la cire par son onctuosite ne coule
at left top margin
Ceste cire noire
soufree est pour
esbaucher des
figures rondes
qui ne sont poinct
en despouille
Et quil fault
brusler dans le
moule a noyau
plustost que louvrir
po comme celles qui
ont quelque
advancement ou
enlassement de bras
& jambes Et lors
ceste cire par le
moyen du soufre
se font avecq
fort peu de chaleur
et sort sans
laisser aulcune
crasse Si par
cas fortuit le
charbon pile y
demeure en cendre
en ouvrant le
moule & souflant
dedans il demeure
net
at left bottom margin
@Pour fayre
serpents de cire
ou aultre chose
pour apliquer
sur un cierge il
les fault gecter de cire a esbaucher de toutes couleurs
[continued]