139r - - - - - Gect de plomb et destaim
Quand il est souvent fondu il saigrist & rend fl
frangible pourcequil se gecte fort chault & se rend demy
calcine
use doncq
du noeuf
La ligue que jay pratiquee pour lesards & serpents
cest deulx ℥ destaim fin sur une lb de plomb noeuf &non
sophistique Le moule se faict du sable susdict commun
a tous metaulx comme il est recuit le laisser froidir jusques
a ce que tu puisses tenir le doigt sans læsion dans le trou
du gect Quand au plomb on le fond dans un crusol ju
a foeu de souflets jusques a ce que le crusol & le plomb
soict rouge Comme il est en cet estat repurge le de charbon
ou avecq un raclouer faict a propos ou avecq le vent du
petit souflet lCe faict laisse le poser ainsy rouge &
recuire en soymesme un peu puys gectes y si tu veulx un peu
de rousine pour brusler la crasse Touteffoys aulcuns
trouvent mieulx de ny en mectre poinct a cause quelle laisse
crasse Mays comme ilz sont prests a gecter il ne fault pas
quilz oublyent de gecter dedans aussy gros quune febve
destain de glace sur chasque lb de plomb Et queil soict
rouge comme metal fondu quand il entre dans le moule Et
si le moule est grand il est mieulx de le mectre en une presse
affin quil se joigne bien & que le plomb ne sespanche
poinct hors du molle Touteffois si cela advenoit &
que pour la premiere ou deux ou troisiesme fois
ton moule ne fust pas remply Gecte hardiment car
pourveu que ton metal soict rouge il se reprendra & joindra
avecq laultre Et viendra tresnet comme le principal
Le mesme se peult dire de lestaim fin pour les choses
tanvres Et la ligue de lestain fin cest dune ℥ de plomb
neuf sur une lb diceluy Les grands moules se doibvent
mectre en presses bien serres entre deulx planches de cuivre
pu & puys les ensevelir dans le sable qui est meilleur que
les cendres pourcequ’iel est par sa poisanteur il selle mieulx
Aultrement ses grands moules sont subgects a sentrouvrir par
la poisanteur du metal Aulcuns font un pot quarre
at left top margin
Quand la medaille est espesse
on nest pas astraint de gecter
si chault que quand elle est
tanvre
at left top margin
+ Note que si tu
les veulx gecter
en os de seiche
il ne fault pas
quilz soient gueres
chaulx pourcequilz
brusleroient los
de seiche Essaye
pour cet effect
avecq du papier
sil roussist
le papier cest
asses il est bon
a gecter mays
sil noircist le
papier il est
trop chault
at left bottom margin
@Si tu veulx
gecter un foeillet
escript Fais ta
ligne de plom
moictie plomb &
moictie estain &
aussy tost quil
sera fondu gecte
entre deulx cartons
en lieu fort plain
& au niveau & avecq
une poincte dor
ou de boys dur
grave a gaulche
lescripture quil
te plaist Et
ayant verse
le plomb sur
un carton presse
dessus avecq
laultre carton
adapte
[continued]