138r - - - - - [continued]
Si tu veulx gecter or, argent, cuivre ou letton, il fault qu’ilz
soient parfaictement rouges & embrasés par dedans quand tu gectes,
& parfaictement recuite deulx fois s’il y a quelque chose dedans
à brusler & nettoyer.
Les moules des animaulx qu’on brusle se doibvent recuire
de telle sorte que l’animal se brusle. Mays s’il ha gros os,
cella est fascheux à tirer & le ☿ rompt souvent quelque chose
subtile par sa poisanteur. On ne mect point de ☿ aulx moules
qui se peuvent ouvrir. C’est volontiers aulx fleurs, le moulle
desquelles ne s’ouvre point pource qu’ilz se font tout à un
coup.
Quand tu vouldras recuire tes moules, mects les crampons
par les joinctures, affin qu’en recuisant ilz ne se gaulchissent,
retirent ou rompent point. Cela se faict aprés que le gect est
faict.
Les rascleures des moules peuvent encores servir l’employant
au lieu de brique aprés les avoir recuits, & les lopins aussy
des moules qui ont servy. On en lute aussy les choses
d’importance, comme ouvrages d’or ou d’argent. On le recuit
aussy & on l’acoustre avecq se eau de sel armoniac, comme
le spat d’Allemaigne, & est excellent sable pour chassis pour
tous metaulx.
Les moules des choses qu’il fault brusler dedans
iceulx ne souf s’ouvrent poinct que la chose qui est dedans
ne soict bruslée, comme les moules des escrevisses, chancres,
du cerf volant, des portraicts & pieces de cire
noire soufrée qui n’est point en despouille.
Il ne fault pas mouler sur la brique ou bois, pource que
l’ea ilz suppent & attirent l’eau trop tost, et ne donnent pas loisir
au sable de faire prise. Il ne sçauroit estre mieulx que sur la
platene d’ardille fresche. Encores ay je practiqué que la
terre grise deseiche trop tost le molle. La jaulne est meilleure.
at left middle margin
Pour medailles
et choses plattes,
il fault que le
sable soict
assés espés
destrempé pource
qu’il faict
plustost prise.
Et quand le
sable est ainsy
espés, on peult
bien fraper et
branler la table
où est posé le
mole, pour le
faire courre
partout. Mays
quand le sable
est clair, comme
pour fleurs
et herbes, il ne
fault poinct
fraper, ne pareillement
quand il y a
quelque chose
attachée avecq
la cire ou
aultre chose
qui est subgecte
à s’enlever, comme
jambes d’escrevisses
ou semblables
choses. Et si le
sable est par
cas fortuit trop
espés, tu y mects
promptement verser
de l’eau.
Ayant mis
le sable dans
l’eau, le considere
qu’il soict espés
au fonds &
clair au dessus.
Le plus clair se gecte au commancement
et puys soufler, & le plus espés sur la
fin affin de fortifier le molle.