138r - - - - - [continued]
Si tu veulx gecter or argent cuivre ou letton il fault quilz
soient parfaictement rouges & embrases par dedans quand tu gectes
& parfaictement recuite deulx fois sil y a quelque chose dedans
a brusler & nettoyer
Les moules des animaulx quon brusle se doibvent recuire
de telle sorte que lanimal se brusle Mays sil ha gros os
cella est fascheux a tirer & le ☿ rompt souvent quelque chose
subtile par sa poisanteur On ne mect point de ☿ aulx moules
qui se peuvent ouvrir Cest volontiers aulx fleurs le moulle
desquelles ne souvre point pourcequilz se font tout a un
coup
Quand tu vouldras recuire tes moules mects les crampons
par les joinctures affin quen recuisant ilz ne se gaulchissent
retirent ou rompent point cela se faict apres que le gect est
faict
Les rascleures des moules peuvent encores servir lemployant
au lieu de brique apres les avoir recuits & les lopins aussy
des moules qui ont servy On enlute aussy les choses
dimportance comme ouvrages dor ou dargent On le recuit
aussy & on lacoustre avecq se eau de sel armoniac comme
le spat dallemaigne & est excellent sable pour chassis pour
tous metaulx
Les moules des choses quil fault brusler dedans
iceulx ne souf souvrent poinct que la chose qui est dedans
ne soict bruslee comme les moules des escrevisses chancres
du cerf volant des portraicts & pieces de cire
noire soufree qui nest point en despouille
Il ne fault pas mouler sur la brique ou bois pourceque
le a ilz suppent & attirent leau trop tost Et ne donnent pas loisir
au sable de faire prise Il ne scauroit estre mieulx que sur la
platene dardille fresche Encores ay je practique que la
terre grise deseiche trop tost le molle La jaulne est meilleure
at left middle margin
Pour medailles
et choses plattes
il fault que le
sable soict
asses espes
destrempe pource
quil faict
plustost prise
Et quand le
sable est ainsy
espes on peult
bien fraper et
branler la table
ou est pose le
mole pour le
faire courre
par tout Mays
quand le sable
est clair comme
pour fleurs
et herbes il ne
fault poinct
fraper ne pareillement
quand il y a
quelque chose
attachee avecq
la cire ou
aultre chose
qui est subgecte
a senlever comme
jambes descrevisses
ou semblables
choses Et si le
sable est par
cas fortuit trop
espes tu y mects
promptement verser
de leau
Ayant mis
le sable dans
leau le considere
quil soict espes
au fonds &
clair au dessus
Le plus clair se gecte au commancement
et puys soufler & le plus espes sur la
fin affin de fortifier le molle