136v - - - - - Pour gecter en letton
Le letton de poilons où l’on faict la bouillye des petits
enffans, qui est doulx, est propre pour le gect. Aulcuns disent
que les gectons d’Allemaigne sont tiennent beaucoup de calamine.
Touteffois, comme ils sont tenvres, la calamine s’exhale en les
fondant comme elle faict en tout meta letton refondu, qui par
reiteration de fonte retourneroit rouge. Touteffois la
calamine fresche & toute seule, mise de nouveau sur le letton
fondu, le faict courre & gecter nect, pour ce que celle qui est
dans le letton de refondu est demy corrompue de son naturel,
& le faict soufler & tempester pour ce qu’elle est disposée à
s’exhaler. Employe doncq la calamine seule à part
soy, toute recente, sur le letton fondu. Advise de gecter
fort chault & que ton moule soict rouge comme en l’or, argent,
cuivre & metal. Si tu gectes de la calamine recente, garde
toy de la fumée car elle est pernicieuse. J’ay vouleu employer
pour gecter medailles des gectons d’Allemaigne, & en ay prins
trente & xii cloux de rosette comme pour chaires, qui sont de
laitton doulx. Ceste matiere, tenant fort de la calamine
comme tout laitton fort jaulne, a faict force fumée, qui est ce
qui empesche le laitton de courir et faict soufler. Fais force souspirails
& gecte fort chault, que ton letton soict blanc comme eau ou
argent fondu, & de mesme sorte qu’un mirouer d’acier fort poly.
La seconde fusion vient mieulx, pour ce qu’il y a de la calamine
exalée et ne faict pas tant de fumée. Si c’est en chassis
qui ne se rompe point & soubstiene, lae second gect viendra
net pour ce qu’il est imbu de la fumée calaminayre, qui
embrasse & reçoyt la seconde. Le sel armoniac seul mis
dans le laitton le rend net & luisant. L’huile tingente
encores plus. Il ne luy fault aultre sable que le præcedent
en noyau, & que le moule soict rouge comme pour l’or. Fais
force souspirails. Et si tu gectois letton jaulny avecq la
tuthie præparée, tu n’aurois point de mauvaises fumées.
at left top margin
Ce metal est fort
fantasque à gecter
à cause des fumées
de la calamine,
et ne le fault
pas laisser pass
reposer tant soit
peu hors du foeu
comme aucuns font
l’argent, car il est
incontinent froit
quand il sent l’air
et le vent. Il laisse
tousjours quelque
queue, comme le verre,
quand tu le gectes.
Les gecteurs ne
prenent pas communement
de ce laicton tant
jaulne à cause de
la calamine passée
par le foeu.
Mays en voulant
gecter le cuivre
rouge, le jaulnissent
ou avecq de la
calamine fresche
ou avecq de la
tuthie præparée.
Voulant gecter,
on le purifie bien
des charbons
avecq une queue
de cuivre ou de
fer, et on le
couvre d’un linge
trempé dans de
la graisse de
porc meslée de
salpestre ou sel armoniac,
pour le garder du vent & de
froidir.