Making and Knowing
A minimal edition of BnF Ms Fr 640

[TOC] | [translation]

- - - - - folio image: 136v - - - - -

Pour gecter en letton

Le letton de poilons ou lon faict la bouillye des petits
enffans
qui est doulx est propre pour le gect Aulcuns disent
que les gectons dallemaigne sont tiennent beaucoup de calamine
Touteffois comme ils sont tenvres la calamine sexhale en les
fondant comme elle faict en tout meta letton refondu qui par
reiteration de fonte retourneroit rouge Touteffois la
calamine fresche & toute seule mise de nouveau sur le letton
fondu
le faict courre & gecter nect pourceque celle qui est
dans le letton de refondu est demy corrompue de son naturel
& le faict soufler & tempester pourcequelle est disposee a
sexhaler Employe doncq la calamine seule a part
soy toute recente sur le letton fondu Advise de gecter
fort chault & que ton moule soict rouge comme en lor argent
cuivre & metal Si tu gectes de la calamine recente garde
toy de la fumee car elle est pernicieuse Jay vouleu employer
pour gecter medailles des gectons dallemaigne & en ay prins
trente & xii cloux de rosette comme pour chaires qui sont de
laitton doulx Ceste matiere tenant fort de la calamine
comme tout laitton fort jaulne a faict force fumee qui est ce
qui empesche le laitton de courir et faict soufler Fais force souspirails
& gecte fort chault que ton letton soict blanc comme eau ou
argent fondu & de mesme sorte quun mirouer dacier fort poly
La seconde fusion vient mieulx pourcequil y a de la calamine
exalee et ne faict pas tant de fumee Si cest en chassis
qui ne se rompe point & soubstiene lae second gect viendra
net pourcequil est imbu de la fumee calaminayre qui
embrasse & recoyt la seconde Le sel armoniac seul mis
dans le laitton le rend net & luisant Lhuile tingente
encores plus Il ne luy fault aultre sable que le præcedent
en noyau & que le moule soict rouge comme pour lor Fais
force souspirails Et si tu gectois letton jaulny avecq la
tuthie præparee tu naurois point de mauvaises fumees

at left top margin

Ce metal est fort
fantasque a gecter
a cause des fumees
de la calamine

Et ne le fault
pas laisser pass
reposer tant soit
peu hors du foeu
comme aucuns font
largent Car il est
incontinent froit
quand il sent lair
et le vent Il laisse
tousjours quelque
queue comme le verre
quand tu le gectes
Les gecteurs ne
prenent pas communement
de ce laicton tant
jaulne a cause de
la calamine passee
par le foeu
Mays en voulant
gecter le cuivre
rouge
le jaulnissent
ou avecq de la
calamine fresche
ou avecq de la
tuthie præparee
Voulant gecter
on le purifie bien
des charbons
avecq une queue
de cuivre ou de
fer
Et on le
couvre dun linge
trempe dans de
la graisse de
porc
meslee de
salpestre ou sel armoniac

pour le garder du vent & de
froidir