136r - - - - - [continued]
en mirouer. Et comme tu vouldras gecter gecter, mects encor un peu
de la couleur & laisse reposer un petit, tousjours souflant
du petit & grand souflet. Enfin adapte ton moule tout
rouge entre les moulets ou dans un crusol plein de sable bien
chault, & gete. Et comme il aura faict prise, gecte si tu veulx
dans l’eau. Car l’or ne fait point de domaige comme l’estaim
qui saulte.
Pour fondre l’or en lingot, n’importe poinct de gec soufler
par dessus avecq le petit souflet.
En grand ouvraige le crusol de sable se doit mectre
dans un fourneau à vent, pour estre tout rouge au bout de
la fournaise.
L’or que le vent touche ou qu’on forge vient noir. Mays
un peu d’eau fort le descouvre soubdain.
Si tu as à forger quelque ouvraige de letton sol sur le laitton,
comme on faict les petites statues, mects entre l’or & le laicton
une lame de plomb. Et plustost que recuire l’or & le remectre
au foeu, trempe dans l’eau fort & il sera douls
C’est assés que le gect soict de l’espesseur
de la medaille, sçavoir depuys le milieu du gect jusques
à la medaille. Mays si la medaille est fort espesse, il ne
fault pas espessir pour cela le gect, car le gect fort
espés ne vient jamays bien. Mai Bien se peult il faire
large pour embrasser la medaille le plus que faire
se pourra.
DEsmEsmailler ouvraiges
tanvres
Les orfevres rasclent avecq l’aisle du burin la foeille
d’or & puys y assoient l’esmail