135v - - - - - Pour gecter en ☼
Prens un crusol de capacité convenable pour ce que
tu y veulx mectre, pile un peu de borras grossierement & le mects
au fonds, puys le ☼ dessus. Dispose sur les charbons
de la forge en telle sorte ton crusol que le vent du souflet
luy soufle par dessoubs et non au costé car cela le refroidiroit
& ne chauferoit pas assez. Fais aussy qu’il soict esloigné
trois bons doigts de la muraille de la forge affin qu’il
se puisse bien entourner de charbon. Laisse recuire ledict
crusol jusques à ce qu’il soict bien rouge. Alors fais
soufler par ton garson à longues poussades et fort,
car en ceste sorte il chaufe bien mieulx. Et cependant,
soufle par quand l’or sera fondu, soufle par dessus
avec un petit souflet, car l’or s’aigriroit & prendroit
comme une cappe. Et tant que il fera une fumée tournoyante
comme tu soufles ainsy, c’est a dire qu’il nest pas assés
doulx pour le gect. Descouvre doncq le creuset, &
sans le bouchger de son lieu et sans interrompre le soufler,
fais le pancher vers toy affin de voyr bien dedans.
Gectes y la grosseur d’une febve de borras & soufle
dedans à secousses avec le petit souflet. Mays s’il y a
charbons dedans, soufle un peu fort pour les en
fayre sortir. Et si l’or fume & tourne, mets encores
du borras et note soufle par dessus, prenant
garde que, s’il est encores aigre & pas assés adoulcy,
il se couvre quand tu soufles comme s’il estoit refroidy.
Mays s’il ne faict ce signe, il est assés douls.
@Lors fais soufler bien fort affin de le bien eschaufer, et
comme tu penseras qu’il soit assés chault, gecte par dessus dans le
crusol de la couleur composée comme est dict cy devant de verdet,
selpestre, sal armoniac & borras un peu. Et laisse reposer soufle
tousjours du petit souflet, et lor viendra luisant comme
at left top margin
Si tu gectes en or
quelque piece d’importance,
lute ton moule
du mesme sable
où il y a y aye
du crocum.
at left top margin
Si tu veulx gecter
quelque grand ouvraige en or
ou qui soict d’importance,
fays au pied de la
forge ou à un bout
d’icelle un four a vent où tu puysse
tenir ton moule dans
le sable tonut rouge.
at left middle margin
On peult gecter
deulx ou trois lb
dor.
[continued]