135r - - - - - Couleurs pour or ou saulce
Verdegris & sel armoniac autant d’un que d’aultre
& aussi gros qu’une febve de salpestre. Car si tu en mectois
quantité, il feroit bouillir tellement le tout qu’il se reverseroit.
Le salpestre ne se mect que pour faire bouillir, affin
qu’on cognoisse quand la matiere a assés bouilly.
Ceste couleur mise sur l’or aigre fondu le rend doulx
incontinent.
at left top margin
Adoulcir l’or
Gect
Il faut qu’il soit longuet, eu esgard à la chose que
tu as moulée. Et pour le moings aux grands moules,
il faut qu’il aye quattre ou cinq doigts de longueur.
Tu le peulx faire large jusques à la moitié & puys
le diviser en trois poinctes en ceste sorte. Et tant plus
la chose moulée sera petite, il faut aussy que tes poinctes
soient petites. Et au milieu du gect & de ses poinctes,
fais y quelques pertuis affin d’empescher la furie
du metal & fayre qu’il coule doulcement. Il faut aussy
c conjoindre les parties pliées de l’animal par petites
lignes encochées, a mesmement le bout de la queue ou aultre
partye subtile, affin que le metal suive partout &
se raporte de l’une partie à l’autre.
N’oublie pas de faire gect de cire aux pates des sernailles
& choses comme cella subtilles.
at left top margin
Quand tu as moulé un animal
en la premiere partie du moule,
ne laisse pas secher
ceste partie que tu
n’en ayes retiré
ledict animal,
car le moule se
seichant, il se retireroit
et feroit aussy retirer
l’animal. Tiens
le doncq en quelque
lieu mouillé
& humide
jusques à ce
que tu ayes
faict.
Figure at left middle margin
Foeille de vigne et petite grenoille
Prens des foeilles de vignes pour mouler comme elles sont en croissant,
ainsy que de toutes herbes & fleurs ou d’une jeune vigne renaissant
aprés avoyr esté couppée ou lors qu’elles reboutent en automne pour ce
que les nouvelles foeilles sont plus grumeleuses & ont les lineaments plus
aparents, au contraire les foeilles ancienes sont unies par dedans &
percées en plusieurs endroicts. Pose doncq ta foeille le dos en bas
sur la plaste d’ardille et asseure la avecq des petites poinctes, luy laissant
neantmoings son reply naturel. Et fais une coche dans l’ardille pour cacher la queue
au premier gect, lequel estant fait & sec, tu retireras la queue de la
foeille & la nettoyeras bien avec des sayettes & l’apuyeras avec une petite
hausse d’ardille. Aprés fais plusieurs gects aultour de la foeille avecq de
la cire comme tu sçais, & gec fais le gect tanvre & de plusieurs trais & grumeleux.
at left middle margin
La foeille de
vigne se paint de
vert faict de scudegrun
& verd de terre.
at left bottom margin
Tu peulx
gecter sur
la foeille
une iraigne
ou grenoille
& ce qu’il te
plaira.