134v - - - - - Faire courre le ☀
Verdegris & sel armoniac aultant d’un que d’autre,
borras & salpestre aultant d’un que d’autre. Mays
les borras & sel armo salpestre ensemble ne doibvent
poiser que la moitié des aultres, sçavoir aultant
tous deulx que le verdegris. Broye les subtillement sur
le mabre en pouldre, puys broye les de nouveau
avec de fort bon vinaigre jusques à ce qu’il soict
subtil comme une couleur et verdet broyé à huile.
Aprés laisse le seicher de soy mesme si tu as loisir
ou au foeu lent de la forge, & fais qu’il soict bien
sec.
at left top margin
Broye
at left middle margin
iraigne
at left middle margin
Une des principalles
choses pour le gect
est de gecter fortgec
chault, s principallement
les grands metaulx.
Pour gect d’or en grand
ouvraige
Il fault non seulement bien cramponer les moules,
mays les fortifier de bons liens de fil de fer ou
petites bandes faictes à propos.
at left middle margin
Plustost que
gecter en or,
nettoye bien ta
forge de plomb
& estaim.
Secret pour soulder l’or et
argent en petit ouvrage
Si quelque bout de petite pate ne vient pas bien
en or ou argent par faulte de n’avoir pas faict par
dessoubs un gect de cire, bas de l’or de souldure fort
tanvre puys couppe le en si menues paillettes que tu as besoing.
Prens de ceste pituite ou salive espesse qui et blanche
qui se tient aulx dents, & avec la poincte du burin aplique
la au lieu que tu veulx soulder & y pose une petite paillete d’or;
& aprés avecq un peu de terre grasse destrempée avecq la
salive, fais une petite couche à l’oposite pour mieulx tenir
la souldure. Aprés pulverise dessus un peu de borras, &
mects au foeu. L’eau de graine de coings bouillie & les
aultres aussy.