Making and Knowing
A minimal edition of BnF Ms Fr 640

[TOC] | [translation]

- - - - - folio image: 134r - - - - -

[continued]

eviter de mectre des poinctes qui ne se doibvent pas mectre sinon
a leslevement de la teste aulx plus espes endroits du corps & des
simples & deliees au milieu des pieds des lesards les ongles
desquels tu feras entrer dans la plaste dardile affin quilz
demeurent asseures Quand tu auras fait le premier gect
& descouvert le ventre de lanimal noublie pas de mectre
des tanvres petitses plastes de cire au bout des pattes du lesard
Mays si cest dune petite angroisse couvre legerement de cire tout le
dessoubs du pied et et cela la cire sostant apres le second gect
il demeure une cavite qui remplist ces petits doigts de metal
& puys on les repare Advise doncq de bien attacher avecq de
la cire les partyes de lanimal qui passent lune sur laultre
avecq que le sable destrempe entrant entre deulx ne le fasse
enlever Et si Car si cela advenoit le moule se gasteroit plant
en premier lieu se gasteroit corromproit & ton moule aussy
pource quil nauroit pas lespesseur quile tu penserois & se
trouveroit perce & gaste Et encores que pour obvier a cela
tu puisse fayre le moule plus espes Touteffoys sil cet
inconvenient advenoit tu le pourras reparer en ceste sorte

Pour racoustrer un moule perce

Si lanimal moule senleve en quelque endroit pour navoir
et se divertist du plant que tu luy as donne ou pour nestre
pas bien mort ou pour navoir pas este bien attache avecq les
poinctes de fer ou avecq cire fondue et quil naye pas lespesseur
quil convient par dehors au droit de lenleveure ou soict perce
Plustost quoster lanimal de dedans descouvre sil te semble
la partie foible ou bien lendroit qui est perce Et fais tout
aultour de petits trous tout aultour puys fais tremper le
dos du moule Et gecte promptement dessus du mesme sable destrempe
qui entrera dans ces pertuis & moulera & sattaquera a laultre
Mays il fauldra bien lutter apres cet endroit

Sable de crocum

On peult bien employer la mixture du crocum ferri aussy bien
aulx moules pour largent comme pour lor car il les affermist & les
garde de fendre & faire baves Et croy quen choses plattes
il soubstiendroict bien de plusieurs gects Ce qui toutesfois pour
lor & argent gueres ne se pratique

at left bottom margin

Essaye pour
le plomb & estain
le crocum