133v - - - - - Le souflement et petits trous qui se
trouvent aulx moules
Cela provient volontiers quand tu gectes deulx ou trois
petits moules l’un aprés l’autre d’une mesme escuelle, car
le dernier se gecte du fonds & plus espés de l’escuelle, qui
volontiers soufle. Le plus cler gecte plus subtil & plus
net, pourveu qu’on soufle assés fort en gectant sur le sable
destrempé & gecté affin de dissiper ces petits bouillons.
at left top margin
Quand le sable
est espés gecté,
volontiers il soufle.
Chose qui n’est en despouille
Il la fault couper pour la faire brusler dans le moule,
mays couppe la avecq des ciseaux tout d’un coup affin que
le sang ne tombe sur le moule & ne fasse crasse, qui estant
recuite est difficille à oster. Mects aprés ton moule dans
le four ou semblable chaleur affin que promptement cela se
seche & se retire, plustost que faire crouste sur le moule
ou moisissure.
at left middle margin
+ Quand tu moules de
petites lesardes et que
tu veux descouvrir
la premiere partye
moulée, commance à
descouvrir les testes
& tu cognoistras
l’endroit d’icelle par
l’espingle.
Ne touche point à
descouvrir les pattes
que tu n’ayes descouvert
tout le corps, affin
que le corps desnué se
remuant ne fasse
oster les pattes de leur
place, où il est fascheux
de les remectre.
Quand tu ostes les
petites poinctes qui
tiennent les pattes,
arreste les & les presse
de quelque chose, affin
qu’en ostant l’espingle
elles ne s’ostent de
leur place, où enfin
tu les peux remectre
avecq de la cire.
Divers animaulx enlassés
Tu peux bien enlasser un serpent enlassé avecq un lesard
qui se mordront l’ung l’aultre, ou un serpent qui mange
une grenoille ou une angroisse & choses semblables. Mays
pour ce que ses enlassements ne se peulvent bonnement fayre
de despouille, coupe ce que tu pourras & laisse le reste
brusler. Et pour faire tenir en la gueule du serpent,
qui est eslevé, une angroise qui est petite & qu’il fauldroit
soubstenir en l’air, po à cause que la teste du serpent se pose
eslevée, mects dessoubs l’angroissee une eslevation de terre
convenable pour la soustenir. Et si tu mects au four
le moule, l’animal se seichant promptement se retirera
& aprés se bruslera mieulx. si tu vois Ces enlassements
se font aussy pour couvrir la blesseure ou default
des animaulx qu’on blesse communement quand on les
prend. N’oublie pas aussy d’attacher & joindre, avecq de
la cire s raportée subtillement avecq du fil de fer chault, toutes
les parties de l’animal qui passent l’une sur l’autre ou celles
que tu vois qui n’apuyent pas bien sur la plaste de cire terre,
affin que le sable destrempé ne l’enleve pas. Et c’est pour
[continued]