133r - - - - - Cire dure pour empraindre
cachets
Elle se faict de cire blanche, qui est plus dure que l’aultre,
& on y mesle de la ceruse ou blanc de plomb fort subtillement
broyé tant qu’elle soict assés dure à ta fantasie, u y mectant
une goutte de tourmentine pour la lier. Aprés mesles y telle
couleur que tu vouldras. C’est la cire dont les orfevres se
servent pour esbaucher.
Pieds de petitses lezardes
pour or et argent
Pource que les pieds de celles qui sont fort petites sont
fort subtils, comme tu as moulé le dessus et que dtu descouvres
le ventre & le dessoubs des pieds, couvre les legerement de cire
& puys gecte le second moule. Et la cire s’ostant, elle laissera
un gpetit gect pour lesdicts pieds. Et encores que le dessoubs
d’iceulx vienne d’une piece, tu le peulx bien reparer. Et les escailles
de dessus les orteils viendront bien.
at left top margin
Aulx bouts des ongles
des grands lesards pose
fais à chascune
un petit rond de
cire pour faire
le gect, ainsy:
Figure at left middle margin
Marques des poinctes de fil de fer
qui se trouvent en la teste de l’animal.
LAvecq les poinctes on ha plustost dressé le plant, mesmement
celuy de la teste. Mays la teste estant percée, il demeure aultour de
la piqueure certaine humeur et petite exudation qui empesche que le
sable ne peult bien revestir la poincte, & y demeure tousjours quelque
petits pertuis g. Mays pour eviter cela tu pourrois planter dans la plaste de la une
poincte de fer arro esmoussée & arrondie par le hault bout, & sur ce bout
y poser un peu de cire dure ou du un peu de mastic ou ciment, et par
le moyen du fil de fer chault y faire tenir la gorge de l’animal,
qui se pourroit oster quand tu viendrois à descouvrir le ventre &
la gorge pour faire le second gect.
Crampons et moule rompu
Quand tu as fait la premiere recuite & osté les crampons,
et que tu les as ouvert ton moule pour le nettoyer en souflant,
sans argent vif qui ne s’employe qu’aulx moules clos, referme le
moule & remects les crampons, mays non pas au premier lieu où ilz
estoient. Relute & reseche. Mays si c’est pour gect d’argent ou or,
lute avec les reste du sable qui ha servy, car c’est le plus seur. Si ton
moule en recuisant est rompu, tu le peulx adjouster avec des crampons
& luter.
at left bottom margin
X