Making and Knowing
A minimal edition of BnF Ms Fr 640

[TOC] | [translation]

- - - - - folio image: 132v - - - - -

[continued]

de soymesme Quand il commance a rougir il lest bien tost
par tout Mays advise bien par le gect quil le soit au
fonds & quil ne paroissse rien de noir

Sable commun de mine

En chassis si on gecte chault il soufle partant
il ne le fault que desseicher

at left top margin

Jay essaye que les
moules ou il est mesle
ne se fendent poinct au recuire
& par ainsy ne font point de baves

at left top margin

Il se faict mieulx
avecq vinaigre
distille

Crocum ferri

Layant dpasse par le vinaigre & rougi au foeu je
lay faict broyer subtillement sur le porphire jusques a ce
quil ne se cognoissoit sur longle aulcune asperite Puys
je lay destrempe en fort bon vinaigre & lauy ay laisse
deulx ou trois jours le brouillant plusieurs foys chasque
jour
en fin je lay faict bouillir & faict rougir dans
pot & crocum tout ensemble dans le four a vent Il est
revenu en masse toute oeillettee Mays qui se pulverisoit
fort subtillement entre les doigts Jen ay mis dans le
sable a la moictie aultant que dalum de plume Jay
destrempe fort cler le sable & en ay moule une fort
petite lesarde qui sest moulee fort net & delicatement & fort
subtillement Le crocum ferri ne rend point le moule plus
dur mays il laffermist Et quand ton moule est douls
& gras en le grattant de longle cest signe que le crocum
est bon bien subtil & bien præpare La quantite ne peult
gaster le moule pource que cest lamy de lor Et croy que
largent y viendroit bien Et que le moule par son moyen
ne se fend poinct Fais le de limaille daiguilles

at left middle margin

On en peult bien
mectre parmy les
moules ou tu veulx
gecter argent car
il affermist les
moules et tu le trouveras
en grattant un peu
plus rude que laultre
ou il ny en ha poinct
Il faict mouler fort net

at left bottom margin

Cestuy cy est propre
pour tous moules
& les garde de
rompre & crever au
foeu Et pour
medailles plattes
il soubstient
plusieurs gects
Celuy de limaille
dacier & daiguilles

est plus rouge &
meilleur

Dorer animaulx gectes
dargent

Tu les peulx dorer damalgame sans que les traicts
aulcunement se gastent silz sont dargent