132r - - - - - [continued]
de n’ouvrir pas trop chault ton moule, car cela aigrist, faict
soufler & retirer l’estaim & faict rompre la chose moulée.
Ne trempe pas aussy ton moule chault dans l’eau, car cela
fait retirer le met l’estain ou plomb.
Moule faict à deulx gects
Il s’ouvre estant recuit pour le nettoyer, aprés on remect
les crampons, on lutte le molle & singulierement les joinctures,
puys on fait lentement seicher la terre. Et puys comme
elle ne fume plus, on laisse refroidir le moule jusques à
ce que tu le puisses tenir sans lesion. Aprés mects dans
les presses ou dans le sable dans une terrine, & gecte
d’estaim. Car si tu gectois d’argent ou d’or, il faudroit
que ton moule fust recuit deulx fois, & gecté comme il seroit
tout rouge.
at left top margin
Si ton moule
f par le default
du plastre
se retire au foeu, il le
fault ouvrir
aprés la premiere
recuite pour le
reserrer & le
cramponer et
luter de nouveau
et le reserrer.
Forme de recuire les moules
Allume des charbons à la forge & puys disposes les de
reng en un coing d’icelle, selon la grandeur de ton moule,
en sorte qu’il en puisse estre bien muny de trois ou 4
doigts tout aultour, et principallement au fonds du moule,
qui est le plus espés et qui. Tes charbons ainsy disposés,
poses y tes moules dessus, & non sur une grille comme aulcuns
font, pource que ilz prendroient le foeu trop aspre. Et laisse
quelque temps ainsy & peu & à peu eschaufer ton four,
adjoustant tousjours quelque charbon allumé. Et tant que
le moule sera humide, les charbons seront comme amortis par
dessoubs. Mays comme il sera sec ilz s’allumeront d’eulx
mesmes. Et quand il est sec d’un costé, tourne le de l’autre.
Et quand il sera sec de touts les deulx & ne fumera plus,
lors vigore le foeu & le couvre de charbons allumés. Et
comme il commancera de rougir, ne soufle pas les charbons
avecq le petit souflet car cela le feroit soufler crever. Et
pareillement quand il est rouge tiens le bien couvert de charbons
allumés & ne le descouvre pas, car il se fendroit. Garde que le
vent d’une fenestre ne batte pas dessus. Laisse refroidir.
at left middle margin
Quand tu
veulx recuire
tes moules, & soict
que tu les luttes
ou non, marque
l’endroit du
ventre pour
mectre cestuy là
en bas contre
les charbons
allumés, que
pource que si
l’ardeur du foeu
les faisoict
fendre, il
vauldroit mieulx
que ce fust au
ventre & par dessoubs que
sur le dos.
at left bottom margin
@Si ton moule est
petit il ne le fault
pas laisser reposer tant
au foeu car il s’y
corrompt et se fend,
car il est plustost recuict qu’un grand.
[continued]