Making and Knowing
A minimal edition of BnF Ms Fr 640

[TOC] | [translation]

- - - - - folio image: 132r - - - - -

[continued]

de nouvrir pas trop chault ton moule Car cela aigrist faict
soufler & retirer lestaim & faict rompre la chose moulee
Ne trempe pas aussy ton moule chault dans leau car cela
fait retirer le met lestain ou plomb

Moule faict a deulx gects

Il souvre estant recuit pour le nettoyer apres on remect
les crampons On lutte le molle & singulierement les joinctures
Puys on fait lentement seicher la terre Et puys comme
elle ne fume plus On laisse refroidir le moule jusques a
ce que tu le puisses tenir sans lesion Apres mects dans
les presses ou dans le sable dans une terrine & gecte
destaim Car si tu gectois dargent ou dor il faudroit
que ton moule fust recuit deulx fois & gecte comme il seroit
tout rouge

at left top margin

Si ton moule
f par le default
du plastre
se retire au foeu il le
fault ouvrir
apres la premiere
recuite pour le
reserrer & le
cramponer et
luter de nouveau
et le resserrer

Forme de recuire les moules

Allume des charbons a la forge & puys disposes les de
reng en un coing dicelle selon la grandeur de ton moule
en sorte quil en puisse estre bien muny de trois ou 4
doigts tout aultour Et principallement au fonds du moule
qui est le plus espes et qui Tes charbons ainsy disposes
poses y tes moules dessus & non sur une grille comme aulcuns
font pourceque ilz prendroient le foeu trop aspre Et laisse
quelque temps ainsy & peu & a peu eschaufer ton four
adjoustant tousjours quelque charbon allume Et tant que
le moule sera humide les charbons seront comme amortis par
dessoubs Mays comme il sera sec ilz sallumeront deulx
mesmes Et quand il est sec dun coste tourne le de lautre
Et quand il sera sec de touts les deulx & ne fumera plus
lors vigore le foeu & le couvre de charbons allumes Et
comme il commancera de rougir ne soufle pas les charbons
avecq le petit souflet car cela le feroit soufler crever Et
pareillement quand il est rouge tiens le bien couvert de charbon
allumes & ne le descouvre pas car il se fendroit Garde que le
vent dune fenestre ne batte pas dessus Laisse refroidir

at left middle margin

Quand tu
veulx recuire
tes moules & soict
que tu les luttes
ou non marque
lendroit du
ventre pour
mectre cestuy la
en bas contre
les charbons
allumes que
pourceque si
lardeur du foeu
les faisoict
fendre il
vauldroit mieulx
que ce fust au
ventre & par
dessoubs que
sur le dos

at left bottom margin

@Si ton moule est
petit il ne le fault
pas laisser reposer tant
au foeu car il sy
corrompt et se fend
car il est plustost recuict qu’un grand

[continued]