Making and Knowing
A minimal edition of BnF Ms Fr 640

[TOC] | [translation]

- - - - - folio image: 131v - - - - -

[continued]

en forme ronde pour la gecter en or et argent Ne mects
rien en ta cire que tu præpareras pour cet effect sino de
toutes ses drogues Sinon y gecter du soufre fondu comme
elle est fondue & de la fumee de chandelle Le soufre
fondu
va au fonds et neanmoings laisse de sa qualite
a la cire la faisant promptement fondre au foeu & luy
donnant fermette En ceste sorte tu peux fondre au
feu ceste ci figure esbauchee de cire Mays si elle
est composee de ceruse ou semblables Il faut que
tu mectes ton moule dans leau bouillante

at left top margin

Pour figures
de cire platte
il nest poinct besoing
de tout cela
Car la cire se
despouille & ne
demeure pas dans
lae moule.

Quand le gect destaim ou
de plomb soufle

Si ton ouvraige gecte a soufle il se peult reparer
avec de la cire fort dure que tu peux apres argenter
ou dorer Pour obvier a cela Si tu gectes tanvre
la ligue dune dest de plomb sur une lb destaim
est bonne Mays si tu gectes de plomb pour chose espesse Il fault
bien sur une lb diceluy deux destaim Car le plomb
estant gras & poisant porte plus De ceste ligue jay
gecte ung grand lezard comme le naturel En chose
espesse si qui garde long temps sa chaleur sil y
a gueres destaim il faict soufler Ton moule ne
doibt pas estre froid Mays en telle chaleur que tu
le puisses manier sans lesion ou que tu puisses tenir
le doigt dans le gect sans te brusler
Il fault aussy
que ton plomb ou estaim soit comme rouge Fonds
premierement le plomb & puys la ligue de lestaim dessus
Et comme tu vouldras gecter mets un lopin de rousine
& puys un peu destaim de glace @Si tu mects parmy lestaim
trop de plomb il ne court pas bien tanvre Et pour le scavoir
sil lestaim crie fort cest signe quil ny ha pas trop de plomb
Sil crie lentement cest a dire quil y en ha trop
. Advise bien

at left middle margin

Tu y peulx soulder
de les la mesme
matiere puys la
reparer avecq le
burin limes chaple
& semblable.

at left middle margin

Lestaim est un
metal qui penetre
qui soufle & brusle
et est fantasque
a pratiquer plus
lor et largent

at left bottom margin

Le plomb veult
estre non seulement rouge
Mays bien vif &
courant & liquide
comme eau qui est signe
de sa parfaicte
chaleur & le moule
chf tellement chault que
tu puisses soufrir
le doigt dedans
Ne louvre pas quil
ne soit refroidy
Cest signe de bon gect
tant pour luy que lor
& argent quand il sort par les souspirails

[continued]