131r - - - - - Herbes qui sont malaisees
a brusler dans le moule
Moule les a deulx ou trois gects Qui estant recuit souvrira
& il te sera plus aise a retirer le charbon de dedans
at left top margin
Essay
Lettre et papier moule
Escripts de quelque ancre bien gommee ou de quelque couleur
qui aye corps & qui ne se defface point estant mouillee deau
de vye Puys pose ton papier sur la plastre dardille & le
mouille deau de vye Et gecte dune part & daultre
Pour orner des licts mirouers
et semblables
Esbaulche sur une ardoise bien unye quelque desseing
a demy relief soict pour adapter sur choses rondes ou
plattes Et layant gecte destain mesle bien tanvre tu le
peulx dorer dor de feuille & ladapter ou tu voudras Et
remplir les uni fonds du relief de petits rubis dorpiment
& de petits grains de diverses couleurs
Pour bien aprendre un cheiien
Il le fault tenir attache & quand il fera ce que tu luy
comman des donnes luy pour te fayre aymer du fromage
tenu soubs l’aisselle qui doit estre une mauvaise drogue &
pour le maistre, sil est rousseau, & pour laprentis aussy
Cires moulees
Les figures de cire composee de ceruse & blanc de plomb
ne sont pas pour brusler & fondre dans un moule ou tu veulx
gecter or & argent car cela laigriroit Et puys si tu penses
retirer telles cires composees de choses provenantes des metaulx
recuisant les moules tu te tromperois pource que lasperite
du foeu les faisant bouillioner la cire sen va & la composition
de ceruse ou aultre couleur metallique sattaque au moule
Et pour ceste raison si tu veulx esbaucher quelque chose
at left bottom margin
+ at left bottom margin
Nota La cire blanche
est plus delicate
que laultre &
ne laisse point
de crasse quand
tu veulx faire
noyau et mouler
creulx
[continued]