130v - - - - - Mouler un chancre
C’est un secret et chef d’oeuvre de le bien mouler pource que
il y faut proceder aultrement qu’aulx aultres animaulx,
à cause que sa coquille est fort difficille à moulerbrusler, &
pour ceste occasion, il le fault quelquefois recuire
le moule trois ou quattre foys. Et avecq tout cela, il
laisse une crouste dure, grise comme cendre. Mays pource que
il ne se moule pas d’une piece & d’un gect comme les herbes,
ains à deulx gects comme les serpents, qui sont bien en
despouille, on enleve ceste croste, non avecq vif argent qui n’y
at left middle margin
feroit rien </span>, aprés qu’il est ouvert,
avecq une forte subtile poincte de trancheplume avecq dexterité,
tout ainsy que ces petites croustes du second gect qui
entrent dans les retirements qu’a faict le sable ou
l’animal moulé. Mays, laà cause qu’il ha les pattes
courbes, icy est la finesse & secret de le despouiller.
Doncq comme tu l’as moulé d’un costé, qui est par le dos
à la façon des aultres, descouvre luy le ventre &
toutes ses pates courbes. Fais ton second gect à la
façon des aultres, mays comme il aura faict sa prise,
garde toy bien d’ouvrir le moule que tu ne l’ayes
premierement fort recuit. Aultrement, à cause de ses
pates courbes, tu romprois tout. En quoy gist la
dexterité. Si tu cognois, aprés l’avoir bien recuit &
ouvert, que la croste ne soict pas assés bruslée, recuits
tant qu’elle le fasse.
at left top margin
Il se painct comme
l’escrevisse.
at left middle margin
Sçavoyr Pour l’ouverture
du moule, il n’est
point besoing de le
tremper, car estant
recuit il souvrira
de luy mesme.
Cerf volant
Il est aussy difficille à brusler comme le chancre, partant
fais pour luy comme tu as fait du chancre.
@Pour mouler tanvre
Aprés que tu as moulé en noyau lae premiere figure molle,
laisse le bien seicher plustost que retirer la figure de cire,
affin affin que le moule ne se corrompe. Aprés fais une petite
lasagne de paste de telle espesseur que tu vouldras, et ayant oingt
de beurre ton le cave de ton premier moule cave, adaptes y la paste,
et puys fais dessus le second moule. Si tu oignois d’huile, il
s’emboiroit & ne seroit pas si propre que le beurre.