130v - - - - - Mouler un chancre
Cest un secret et chef doeuvre de le bien mouler pourceque
il y faut proceder aultrement quaulx aultres animaulx
A cause que sa coquille est fort difficille a bien mouler brusler, &
pour ceste occasion il le fault quelque fois recuire
le moule trois ou quattre foys Et avecq tout cela il
laisse une crouste dure grise comme cendre Mays pourceque
il ne se moule pas dune piece & dun gect comme les herbes
Ains a deulx gects comme les serpents qui sont bien en
despouille On enleve ceste croste non avecq vif argent qui ny
at left middle margin
feroit rien </span> apres quil est ouvert
avecq une forte subtile poincte de trancheplume avecq dexterite
tout ainsy que ces petites croustes du second gect qui
entrent dans les retirements qua faict le sable ou
lanimal moule Mays laA cause quil ha les pattes
courbes Icy est la finesse & secret de le despouiller
Doncq comme tu las moule dun coste qui est par le dos
a la facon des aultres Descouvre luy le ventre &
toutes ses pates courbes Fais ton second gect a la
facon des aultres Mays comme il aura faict sa prise
Garde toy bien douvrir le moule Que tu ne layes
premierement fort recuit Aultrement a cause de ses
pates courbes tu romprois tout En quoy gist la
dexterite Si tu cognois apres lavoir bien recuit &
ouvert que la croste ne soict pas asses bruslee recuits
tant quelle le fasse
at left top margin
Il se painct comme
lescrevisse
at left middle margin
Scavoyr Pour louverture
du moule il nest
point besoing de le
tremper Car estant
recuit il souvrira
de luy mesme
Cerf volant
Il est aussy difficille a brusler comme le chancre partant
fais pour luy comme tu as fait du chancre
@Pour mouler tanvre
Apres que tu as moule en noyau lae premiere figure molle
laisse le bien seicher plustost que retirer la figure de cire
affin affin que le moule ne se corrompe Apres fais une petite
lasagne de paste de telle espesseur que tu vouldras et ayant oingt
de beurre ton le cave de ton premier moule cave adaptes y la paste
Et puys fais dessus le second moule Si tu oignois dhuile il
semboiroit & ne seroit pas si propre que le beurre