130r - - - - - Animaulx seches au four
Les petits s chats sescorchent et on leur oste les yeulx
& toutes les entrailles On leur mect un petit baston de long entre
les dents pour leur faire fort ouvrir la gueule Puys avecq
des poinctes de fer on leur attache les pieds sur une petite
table leur donnant le plant & desmarche convenable Estant
ainsy attache par les pieds avec de petits aneaulx de fil de fer ainsy Il les faut pendre au soleil
leschine en bas En ceste sorte ils prenent &d leurs ply &
se seichent & le ventre sestroissist & la queue demeure
hauste ou avec le reply que tu luy auras donne Estant par ce moyen un peu secs on leur contourne
la teste comme on veut lasseurant avecq quelque houtil Puys
on lacheve de seicher au four quant le pain est tire Apres
on luy mect dans le cave des yeulx des balles de plomb ou
de cire peincte selon le naturel On les painct dancre bien gommee
pour sembler estre de geyct on luy donne une langue peincte des
cornes des aisles & semblables fantasies Ainsy des rats &
touts animaulx
at left top margin
Figure
qui embrassant
les doigts des
pastes se fichent
dans la plastre
dardille
Pour rougir les escrevisses vives
qui sembleront bouillies
Frotte les dans de fort bon vinaigre ou il y aye un peu deau
de vye & non gueres & elles se pourront servir comme cuittes & cheminer
Mouler une yraigne seule
Il la faut planter sur la plaste dargille comme il est dict
sur la feuille de vigne Et fayre la dessus le premier
gect & comme il aura fait prise Descouvre liraigne jusques
a la moictie des jambes puys fais le second gect
at left bottom margin
Affin
Les pieds pelus des grosses yraignes comme
tout poil danimal ne se moule pas bien sil nest
couche layant oint
aveclq de lhuile de
froment qui lafermist
& est bien tost sec
Les choses pelues
se meslent avecq le
sable & ne se
bruslent pas
bien
Mouler une feuille de vigne seule
Plante la avec les poinctes de fil de fer letton subtil &
pose de biais sur la plaste dardille puys gecte le premier
moule Ayant faict prise descouvre le dos revers & fais
le second gect lequel estant prix tu peulx retirer la foeille
Et ne te faudra recuire ton moule quune fois pource quil ny aura
rien a brusler