Making and Knowing
A minimal edition of BnF Ms Fr 640

[TOC] | [translation]

- - - - - folio image: 129v - - - - -

Animaulx seiches au four
de longue duree

Plantes les sur une plastre de terre les disposant avecq
des poinctes de fil de fer comme si tu les voulois mouler et ilz
les seiche au four apres que le pain est tire Et ilz demeurre
tousjours ainsy Tant serpents oyseaulx que autres Mays
il fault quilz soient promptement seiches

at left top margin

Note quil leur fault
donner leur plant & les
mectre dans le sable
comme les fleurs
& promptement
les fayre seicher
au four qui soict
asses chault comme quand
on en tire le pain
Et
quil y demeure un iour
& une nuict
affin quil soict
bien chau sec car aultrement
il seroict puant
Toutesfois advise
que le four ne soict
pas trop aspre, ains
comme la chaleur du
soleil de juin
aultrement les animaulx
se cuisent Estant sec ne les mouille pas
Mays nettoye les
avecq un pinceau ou
une broisse

Animaulx gectes en cuivre

Essaye dles ayans jectes en cuivre de les brunir comme les
foeilles de pierrerie pour voyr silz prendroient la couleur
de mesme

Advis sur le gect

Ne Prens garde de ne faire ton gect gueres espes et noublie
pas dy faire dans le conduit diceluy deulx ou trois trous
et coches & comme ton gect aproche de la ch chose moulee
divise le en trois ou quattre parties comme doigts qui allent
en poincte & ne soient gueres parfonds Car le metal en court
plus doulcement sans sempecher de vapeurs & fumee

at right middle margin

Fais tousjours
lentree du gect
pres de la medaille
encoche & grumeleux
pour retirer la furie du
metal

Yraigne moulee sur une foeille

Les fort grandes ont communement les pieds velus qui est fascheulx
a mouler si tu ne les couches ou fais flammer avecq une bougie
ou les affermis & couches avecq d les oignant de huile de fromant
fais les mourir dans le vinaigre & urine comme les serpents
& ou dans leau de vye Et puys fais leur plant
sur une foeille de vigne bien faicte ou aultre apres
tu leur peulx rendre leurs poil follet de bourr poil de
bourre subtil
tamise les ayant oinctes dun de colle de poisson
ou semblable Leur vraye couleur est de vinaigre & verdet
& puys les parfumer en quelque endroict de soufre Ayant
fait ta tourt plastre dardile poses y ta foeille de vigne
Et liraigne morte au milieu & transperce dune poincte de fil
de fer ou de letton
le milieu du corps de liraigne & de la foeille
ensemble Apres pose de biais de petites poinctes de fil de letton
autour de la foeille de vigne pour la bien asseurer Puys
arreste avecq un peu de cire fondue Et la pointe dun fil de fer chault
le bout des pattes les adaptant avecq le bout des petites molettes Fays
le semblable du bout des petites corniches de liraigne Retourne
🜊

at left middle margin

Figure Figure Pour faire le gect
de liraigne sur la
foeille et pour empescher
que le sable ne couvre liraigne par dessoubs le ventre munis le bout de la
queue & le bas du corps dun peu de cire fondue & apliquee avecq le fil de fer chault comme tu scais En
ceste sorte la foeille se bruslant & la
cire estant fondue il demeurra
deulx petits trous dans la foeille qui seront le gect de liraigne

at left middle margin

🜊 La cire estant froide
racle le superflu avecq
la poincte dun
trancheplume affin que
le bout des pattes
demeure net Apres
pose le cercle de terre
aultour & gecte ton
sable destrempe comme
des aultres En ceste
maniere il te fauldra
brusler la foeille de
vigne dans le moule
Aultrement non Et pour
plus facillement gecter
laisse bien mourir
lanimal affin que
se tourmentant il ne
mesle ses pattes
Ayant faict ton
premier gect descouvre
le revers de la foeille
et fais le second gect