Making and Knowing
A minimal edition of BnF Ms Fr 640

[TOC] | [translation]

- - - - - folio image: 129r - - - - -

Paindre herbes de metal

Si tu as haste il sera mieulx que tu destrempes tes couleurs
a gomme point trop espesse ou car lhuile est long a seicher
et coule sil est couche cler comme les herbes requierent Et si tu
veulx encores avoir promptement faict destrempe ta couleur avecq de
la glaire battue avecq de la pelure de figuier et bien tost
ton ouvraige sera sec Mays couche cler

Pour santonique

Ce blanc blafart de ceste herbe se faict de vert de terre
de blanc de plomb ou ceruse dun peu de massicot et scudegrun
et de cendre dazur Mesle & compose ta couleur selon une
branche naturelle que tu auras

Couleur de vipere

Cest le plus beau serpent qui se puisse mouler a cause quil ha
fort belles escailles & rudes & transparentes Sa couleur naifve
se faict avecq de bon verdegris fort broye avecq de bon
vinaigre sil est de plomb ou destain Et sil est en quelque
endroit plus obscur parfume ceste premiere couleur de soufre
comme tu scais Et sil fault esclarcir et blanchir comme soubs
la gorge frotte dun linge rude Le masle gecte par sa nature
qui est au fondement quand il est fort presse une petite masse comme une
demy balle dharquebus faicte en génitoires et toute
plaine de aiguillons fort veneneulx

at left middle margin

+ Mects un peu de
metalline dans
Don @ estain & ton
lesard semblera
dargent

Roses moulees

Elles sont malaisees a mouler a cause que les foeuilles sont fort
subtiles & foibles & doubles Mays pour obl obvier a cela
il les fault oindre dhuile de froment qui est fort desicatif
et estant bien tost sec il affermist & roidist les foeuilles pour les
pouvoir distinguer & soustenir le sable destrempe Le mesme se
faict aulx mouches aulx pensees & semblables choses delicates
aulx fleurs de caprier