[TOC] | [translation]

Gecter en argent et or

Voulant fondre mects tousjours pour ces deulx metaulx un
pierrete de borras pulverisee au fonds du crusol & lor et
argent dessus Cela faict que si le crusol rendoit quelque
vapeur ou fumee aigre il nempire poinct ces deulx metaulx pour
lor principallement cela est bon

Si tu as plusieurs molles a gecter ne les pense pas emplir dun gect
Car le metal seroit froid Mays ayant bien chauldement gecte
& emply lun Refonds & gecte dans laultre

Quand ton moule commance a rougir par dedans le gect & que le gect
perd sa noirceur Lors mects ton & que regardant dedans il te ne
te paroist plas pas un seul point de noirceur Continue a lentretenir en ceste chaleur
& si besoing est adjoustes y quelques charbons demy allumes avecq
tes molletes Cependant com mects dans la forge ton crusol avecq un peu de borras
moulu au fonds & largent que tu veulx gecter en ta forge soict par dessus Laisse
recuire ton crusol entre les charbons allumes jus sans soufler
jusques a ce quil soict rouge Car plustost il ne fault pas soufler
Et quant tu soufleras poulsse dun mouvement longuet & continué le
souflet luy donnant une petite secousse en poulssant & une aultre le
tirant a toy En ceste sorte la chaleur se donne plus forte Com Ne
Advise de retirer par foys ton crusol avecq les en hault avecq les
mollettes chauldes pourcequile sil estoit pose au droict de la tuelle
& que le souflet b vent batist le vent du souflet batist le cruset il refroidiroit
largent plustost que leschaufer Fais doncq que les charbons allumes
le soubstiennent par dessus la tuelle & prens garde quil soit esloigne
de trois bons doigts de la muraille de la forge En ceste sorte il
chaufe mieulx Doncq quand ton argent commance a fondre si tu
cognois quil soict aigre voyant les lopins fendus & creves Prens
la grosseur dune noisette darsenic & deulx foys aultant de tartre
crud grossierement pulverises car en ceste sorte ilz ont plus de pouvoir
deschaufer Et gectes en par foys dans le crusol sur largent qui sen
esclarcist Mays si tu as de ceste croste sublimee sur la matiere
metallique qui semble grain dacier cy devant descripte Prens
un peu de ceste la, laissant # les aultres & gectes en sur ton argent fondu

at right top margin

Aulcuns laissent un peu reposer largent
hors du foeu
plustost que
gecter

at left top margin

Lor et largent fondus
avecq les choses susdictes
ne souflent
gueres

at left top margin

Pour lor
il ne fault
pas dtant
destain de
crocum que
dalum de
plume

at left middle margin

Les petits
moules sont
bien tost recuits
Mays les grands
& petits se doibvent
plustost seicher au
four car lhumidite
du moule par
la fo chaleur
du four
sattire dehors
Mays laspre
chaleur des
charbons la
chasse de lexterieur
par dedans

at left bottom margin

Tout argent
allie faict chape
et tout aultre
metal aussy

at left bottom margin

Largent ne veult
poinct estre descouvert
fondu

at left bottom margin

# grossierement pulverisee

at bottom margin

Loppe dargent sophistique se vitrifie en rouge a cause de larsenic & orpiment

[continued]