127v - - - - - Terre des fondeurs
C’est de la terre bolbene meslée de fiens ou bourre, qui
tiennent au foeu, de laquelle il te fault tousjours avoyr
provision pour luter tes moules qui ont b doibvent servir
à gecter argent & qu’il fault recuire. Ceulx où il fault
brusler quelque fleur ou animal ne se doibvent pas luter,
qu’ilz ne soient esté une fois recuits, et qu’ilz ne soient nettoyés
des os & cendres demeurés dedans. Et que ayant ostés les
crampons, tu n’ayes ouvers les deulx moictiés pour voir s’ilz
sont point fendus. Car il y a du plastre qui n’est pas si dur
au foeu, l’ung que l’aultre. D’aultre y en ha qui faict
croust des choses qui demeurent à brusler dedans. Et cela
sont imperfections qu’il fault eviter, ou par en baignant
fort d’eau de vye l’animal plustost que d’y gecter le sable
destrempé, ou y mesler ou plus ou moings de brique ou
alum, ou recuire plus la brique, ou au lieu de brique y
mesler des culs de crusols & semblables choses qui resistent
fort au foeu. Ayant doncq recuit ton moule pour brusler
le dedans, laisse bien froidir. Et s’il est net & point fendu,
remects les crampons & lutte le avecq ceste terre susdicte
des fondeurs, & saulpouldre un peu de cendre criblée, &
laisse un peu essorer. Mays garde toy bien de luter
quilz ne soient que les moules ne soient froicts. Ceulx pour
gecter argent où n’y ha rien à brusler dedans n’ont besoing,
sinon quand le gect & souspirails sont faicts, que de les
luter & les recuire une foys. Ne lute point le bout du
moule par où tu veulx faire le gect, ains laisse le descouvert,
& l’issue des souspirails aussy.
Si Les moules qui se do doibvent fendre c’est rendent ainsy à la premiere
recuite, car à la seconde il ne se fendent plus.
Les plus petits moles sont plustost recuits, prens les doncq
les premiers recuits quand tu gectes, car tu en peulx mectre
à recuire plusieurs.
Allume les charbons premierement à la forge ou en quelque
aultre lieu prés, & ayant posé tes moules sur une couche de
bonne braise, pas trop allumée pour donner feu lent au comancement,
mects y & adjouste peu des charbons demy allumés à la forge.
at left top margin
La terre de laquelle les fondeurs
se servent pour braser ou soulder, qui est
terre ardille areneuse,
ou bien ardille meslée
de sable, aprés l’avoir
seichée & tamisée &
puys composée, est bonne
pour luter tes moules,
car ceste terre se fond
plustost que ce fendre.
Et toute terre qui se
fond est ne peult manquer
en cecy.
at left top margin
Fil de fer pour donner liaison.
Figure at left top margin
at left middle margin
Lute espés tes
moules, & s’ilz sont
petits, tu les peulx
incontinent recuire
à bon foeu, mesmement ceulx de
crocum.
at left middle margin
Si la terre est
bonne & l ne se fend
point en recuisant
& ne se separe point
du moule, les
moules ne se fendront
point aussy & ne
feront point de
baves au gect.
Recuits doulcement
à l’aise à foeu
clos, & ne les exposes
pas chaulx à l’air.
at left middle margin
Lute assés espés
à deulx ou trois
couches, mesmement au
droict des joinctures,
affin que l’argent ne
sorte du moule.
at left bottom margin
Recuits en four
de reverberation.
at left bottom margin
Pour essayer si ta
terre est bonne, plustost
que la mectre sur tes
molles, lutes en cet
endroict de la fo muraille
de la forge qui est
aultour de la tuelle
& canon du souflet,
& allume le foeu, & si elle soubstient sans se fendre
elle sera bonne.