[TOC] | [translation]

[continued]

quelques filets tant pour contenir les herbes affin quelles
ne se haulssent point par quand tu gectes ton sable cler
que pour leur donner vent quand le moule est recuit
Car en ce faisant le moule filet se brusle & laisse des espaces
vuides aulx herbes qui leur sert de souspirails & des lieulx
pour sesvacuer & pour donner air aulx herbes affin quelles
se bruslent mieulx Car ce qui les faict demeurer en charbon
cest quelles se bruslent a foeu clos & sans espace vuide a
cause de leurs brins subtils Essaye doncq dengrossir la
principalle tige avecq un peu de cire fondue & la laisse froidir
puys la moule Et la cire se fondant, elle lairra la principale
tige au large & comme vague affin quelle se brusle mieulx ou bien
oings les dhuile de petrol ou de soufre de tourmentine dhuile
de brique & semblables ou deaulx forts ou deaulx de vye
Ou fais des sables de crocum descaille de fer de loppe
de fer desmeri & choses qui soubstiennent plusieurs jours
grande ignition

Les os des animaulx ne sont pas si fascheus a brusler
& reduire en cendre pourceque la chair estant bruslee les
os demeurent vagues & la pesanteur du vif argent les faict
rompre & subtilier estant calcines & brusles

at left middle margin

Lasperge demeure
tousjours en charbon
comme petites espingles
Essaye de la prendre
et le tim au commancement
quilz gectent que leur
tige est encores
tenvre

Moule de plastre pour cire

Quand ton moule de plastre est faict & sec advise bien
que ton moule soict bien en despouille Car quelque foys il
advient que lanimal estant blesse ou amaigry & flestri
faict des rides ou retire estant ses escailles ou le plastre
entre Et cela nestant point en despouille Lanimal de cire
sattaqueroit & se romperoit & ne laurois jamays parfaict
Advise aussy @ de fayre tes gects pour la cire fort
larges Ainsy & que les gects ne soient point trop espes Ils
se font quand lanimal est

Figure le moules des deulx costes
sont faicts & que lanimal en est hors