126v - - - - - Crocum ferri
Il est bien plustost faict avecq de la rouille de fer
qu’avecq la limaille. Car si le vinaigre est bon, tu le verras
bouillir à gros bouillons comme s’il sur la rouille comme
s’il estoit sur le foeu, sur la limaille il ne bouilt point
s’il n’est mis sur le foeu ou cendres chauldes. Touteffois
quand la limaille a passé par le vinaigre & que tu l’evapores
& embrase & qu’elle est bien rouge, si tu reiteres cela
pour la seconde foys le vinaigre y aura bien plus de
force, & le crocum en sera beaucoup plus subtil & plus
rouge. Ceulx qui en usent pour gecter en or ven achaptent
l’once quarante ou cinquante sols.
at left top margin
Il n’endurcist point les moules,
et en raclant on ne cognoist point
qu’il en soict plus
dur. Mays il
faict le moule
plus rare, & suppe
& attire mieulx l’or.
Plastre
Tu en peulx mouler de si grandes pieces qu’il te
playra. Mays si tu prends tes moules sur de grands
ouvrages & pieces de boys, il ne se despouillera pas
si tu ne fais bouillir abreuver ton boys de cire fort
chaulde. Car le boys suppe & boict, & par ce moyen attire
le plastre qui ne despouilleroit pas. Le semblable
peults tu estimer de tout aultre grand ouvraige. Mays
le remede est de l’ab abreuver l’ouvra de cire tres chaulde
l’ouvrage sur lequel tu veulx gecter ton plastre. Car par
ce moyen il ne s’embevera point & despouillera fort net.
at left middle margin
Si le plastre se retire, il faict
tousjours des baves. Cherchés en
de dur et le mettés bien en presse
les moules plustost que gecter.
at left middle margin
Il n’est pas bon
quand il se retire.
Herbes difficilles à brusler
dans le noyau
Toute herbe qui ha la tige dure & comme de boys est fort
difficille à brusler dans le noyau, comme l’asperge, le tim & semblables,
pource que elles demeurent en charbon dans les petits conduicts,
& si elles ne se reduissent bien en cendre il n’est possible de les
vuider du molle. Aulcuns les recuisent pour cet effect deulx ou
d trois fois. Aultres, mectant plusieurs herbes ensemble dans le
moule, passent au travers des filets herbes & des moulesu
cercle de terre, qui est pour recepvoir le sable destrempé plusi.
at left bottom margin
Cela ne provient
pas de l’herbe qui
a la tige lignée,
pource que le
rosmarin se brusle
bien, mays c’est
du naturel de certaines
herbes.
[continued]