125v - - - - - Viperes et serpens
J’ay moulé une vipere, qui pour le gect est des plus propres
que nul aultre serpent, pource qu’elle ha belles escailles &
bien apparentes par tout le corps, & principallement sur la teste
et soubs la gorge. Elle ha la teste platte, le museau rousset
tendant a l’incarnadin & retroussé comme l’aspic cornu ou comme un
le dessus du groin d’un cochon, grosses machoueres, les yeulx
fort pres du museau et la gueule fort ouverte, où elle ha des
dents canines doubles de chasque costé sortant toutes d’un tuyau
de chair qui les couvre et revest. Elle ha aussy dans la
gorge un tuyau de chair faict comme la verge d’un chien,
d’où sort son fisson. Les aultres serpents ont double
reng de dents.
at left top margin
Si tu veulx couper
les mouler les serpents
la gueule ouverte,
il fault couper la
teste & la laisser
dedans car elle
ne seroit pas en
despouille.
Mouler tortues
C’est une matiere particuliere du gect des serpents &
herbes et fleurs, pource que les cavités qui sont entre
les deulx coquilles requierent plusieurs pieces. Elles
se moulent de plastre pour gecter en sucre sans faire gect
comme font toutes choses que tu vouldras.
Plastre pour gect de cire
Quand tu veulx gecter en cire dans le moule de plastre,
il fault que tu sçaiches pour secret qu’il est besoing
que ton moule soict dans l’eau chaulde. Jamays l’animal
ne vient si net qu’en metal, pource que la cire grippe. Mays
c’est pour esbaucher animal au plus pres du naturel, Et
pour après le reparer. Il en fault bien oster toutes les
escailles. Quand Car la cire y entreroit & ne se despouilleroit
pas. En moulant aussy l’animal, abas les escailles pour cire,
& au contraire frotte les au rebours affin qu’elles s’eslevent
pour animaulx, car elles s’en monstrent mieulx. N’attend pas
aussy à despouiller cire quelle soict un peu du tout
refroidie, mays pendant qu’elle est un peu chaulde,
quand tu as aussy moulé le premier gect de l’animal,
descouvre le bien la moictié, affin qu’il soit en despouille,
y en ayant aultant dans un moule qu’en l’aultre. Fais aussy
force gects larges s’entretenant à l’animal affin de le fortifier
en se despouillant, & aprés tu couppes cela.
at left bottom margin
+
Lalbastre
communement apellé, qui
touteffois est
plastre, est bien
dur mays il se
retire fort. Il est
bien bon pour en
fayre medailles,
mays il veult
estre fort subtillement
passé.