125v - - - - - Viperes et serpens
Jay moule une vipere qui pour le gect est des plus propres
que nul aultre serpent pource quelle ha belles escailles &
bien apparentes par tout le corps & principallement sur la teste
et soubs la gorge Elle ha la teste platte le museau rousset
tendant a lincarnadin & retrousse comme laspic cornu ou comme un
le dessus du groin dun cochon Grosses machoueres Les yeulx
fort pres du museau Et la gueule fort ouverte ou elle ha des
dents canines doubles de chasque coste sortant toutes dun tuyau
de chair qui les couvre et revest Elle ha aussy dans la
gorge un tuyau de chair faict comme la verge dun chien
dou sort son fisson Les aultres serpents ont double
reng de dents
at left top margin
Si tu veulx couper
les mouler les serpents
la gueule ouverte
il fault couper la
teste & la laisser
dedans car elle
ne seroit pas en
despouille
Mouler tortues
Cest une matiere particuliere du gect des serpents &
herbes et fleurs pourceque les cavites qui sont entre
les deulx coquilles requierent plusieurs pieces Elles
se moulent de plastre pour gecter en sucre sans faire gect
comme font toutes choses que tu vouldras
Plastre pour gect de cire
Quand tu veulx gecter en cire dans le moule de plastre
il fault que tu sçaiches pour secret quil est besoing
que ton moule soict dans leau chaulde Jamays lanimal
ne vient si net quen metal pourceque la cire grippe Mays
cest pour esbaucher animal au plus pres du naturel Et
pour apres le reparer Il en fault bien oster toutes les
escailles Quand Car la cire y entreroit & ne se despouilleroit
pas En moulant aussy lanimal Abas les escaille pour cire
& au contraire frotte les au rebours affin quelles seslevent
pour animaulx car elles sen monstrent mieulx Nattend pas
aussy a despouiller ta cire quelle soict un peu du tout
refroidie Mays pendant quelle est un peu chaulde
Quand tu as aussy moule le premier gect de lanimal
descouvre le bien la moictie Affin quil soit en despouille
Y en ayant aultant dans un moule quen laultre Fais aussy
force gects larges sentretenant a lanimal affin de le fortifier
en se despouillant & apres tu couppes cela
at left bottom margin
+
Lalbastre
communement apelle qui
touteffois est
plastre est bien
dur mays il se
retire fort Il est
bien bon pour en
fayre medaille
Mays il veult
estre fort subtillement
passe