125r - - - - - [continued]
& de ses conduicts & abrevouers, tu y peulx mectre aussy de
petits fils de cire qui se raportent au corps, affin que
le metal aille plus aysement d’une partye a l’aultre & coure
promptement par tout. Et de ses conduicts tu peulx mener
ton gect & tes souspirails sans gaster aulcune chose.
at left top margin
[continued]
Figure
des petits rouleaulx, tu fais tes gects et souspirails sans danger d’escrouster & enlever
rien du moule pource que la cire s’ostant laisse la place vuide toute faicte. Fais tes souspirails
venant de la teste,
qui est en bas, vers
le gect. Fais aussy
ton gect qui ne soit
pas trop gueres espés, et
fais dedans son
cours deulx ou trois
coches, car cela corrompt
la furie du metal,
et le faict couler à son ayse sans soufler ne faire trop grand fumée qui empesche le cours.
Tu le peulx diviser aussy en deulx ou troys branches ainsy: Figure
de la chose moulée, et fais tousjours des trous dans le gect. +
Plastre
Quand tu v moules quelque chose pour y gecter de la
cire, tu moules de plastre seul recuit aprés estre pulverisé.
Car estant recuit en pierre, la superficie se cuist & le dedans
demeure presque crud. Le plastre gris transparent n’est
pas fort, mays celuy est bon qui estant destrempé est blanc
& faict bien tost prise. Toutesfoys le gris ay je trouvé bien
ferme & dur aprés avoyr faict prise, mays il y est plus
long. Il fault cognoistre le naturel de chascun. Si tu Tu
ne mouleras jamays bien net, si ne tu ne destrempes bien clair
& liquide ton plastre ou sable de noyau. Destrempe lemortier
bien tost aprés qu’il ha esté recuit.
at left middle margin
+ Si tu moules de
plastre crud seul,
recuit toutesfoys
comme dit est, il fault bien huiler
le premier
moule. Et quand
le second aura
faict bonne prise
et que l’auras
paré, trempe
long temps dans
l’eau. Et s’il ne se
veult despouiller,
trempe le dans
l’eau chaulde, car
l’eau
froide
le durcit, et l’eau chaulde
le remollist
dadvantage.
Leau froide
ne le penetre pas
comme le mixtionné,
pource qu’il est
plus dur & le
mixtionné est
plus spongieulx.
De ce plastre
ainsy recuit en pouldre
il s’en gecte des medailles
qu’il ne craignent point les
pluyes, mesmement si elles sont
vernies. On les tient en Allemaigne
sur les maisons. Mays advise que l’eau soict fort chaulde, & si elle est
bouillante il n’y ha point de danger. Tous moules de plastre seulx ou mixtionné s’y
despouillent.
Symeterres
at left middle margin
A Sçavoir
Les ouvriers de Damas ou d’Hongrie, voisins des Turcs,
separent aulx mines le fer d’avecq l’acier. Et de ce premier
acier fondu premierement de sa mine, ilz gectent en sable des
sab lames de cimeterre qui couppent aprés l’aultre fer
sans grande difficulté, pource que tout fer fondu est plus
dur que le fer douls battu en gueuses & barres. Ainsy est
de l’acier des cimeterres, mays il est fort brusc. Quand on
desbmanche un cimeterre, on cognoist bien par la queue
qui entre dans le manche qu’il est gecté en sable.
Ouyr de loing
Fais un petit trou en terre, & y pose de nuict ou en temps de
silence l’oreille justement, & tu entendras aysement la rumeur.