125r - - - - - [continued]
& de ses conduicts & abrevouers tu y peulx mectre aussy de
petits fils de cire qui se raportent au corps Affin que
le metal aille plus aysement dune partye a laultre & coure
promptement par tout Et de ses conduicts tu peulx mener
ton gect & tes souspirails sans gaster aulcune chose
at left top margin
[continued]
Figure
des petits rouleaulx tu fais tes gects et souspirails sans danger descrouster & enlever
rien du moule pourceque la cire sostant laisse la place vuide toute faicte Fais tes souspirails
venant de la teste
qui est en bas vers
le gect Fais aussy
ton gect qui ne soit
pas trop gueres espes et
fais dedans son
cours deulx ou trois
coches car cela corrompt
la furie du metal
Et le faict couler a son ayse sans soufler ne faire trop grand fumee qui empesche le cours
Tu le peulx diviser aussy en deulx ou troys branches ainsy Figure
de la chose moulee et fais tousjours des trous dans le gect +
Plastre
Quand tu v moules quelque chose pour y gecter de la
cire tu moules de plastre seul recuit apres estre pulverise
Car estant recuit en pierre la superficie se cuist & le dedans
demeure presque crud Le plastre gris transparent nest
pas fort Mays celuy est bon qui estant destrempe est blanc
& faict bien tost prise Toutesfoys le gris ay je trouve bien
ferme & dur apres avoyr faict prise Mays il y est plus
long Il fault cognoistre le naturel de chascun Si tu Tu
ne mouleras jamays bien net Si ne tu ne destrempes bien clair
& liquide ton plastre ou sable de noyau Destrempe le mortier
bien tost apres quil ha este recuit
at left middle margin
Si tu moules de
plastre crud seul
recuit toutesfoys
comme dit est Il fault bien huiler
le premier
moule Et quand
le second aura
faict bonne prise
Et que lauras
pare Trempe
long temps dans
leau Et sil ne se
veult despouiller
trempe le dans
leau chaulde car
leau
froide
le durcit Et leau chaulde
le remollist
dadvantage
Leau froide
ne le penetre pas
comme le mixtionne
pourcequil est
plus dur & le
mixtionne est
plus spongieulx
De ce plastre
ainsy recuit en pouldre
il sen gecte des medailles
quil ne craignent point les
pluyes mesmement si elles sont
vernies On les tient en allemaigne
sur les maisons Mays advise que leau soict fort chaulde & si elle est
bouillante il ny ha point de danger Tous moules de plastre seulx ou mixtionne sy
despouillent
Symeterres
at left middle margin
A Scavoir
Les ouvriers de damas ou dhongrie voisins des turcs
separent aulx mines le fer davecq lacier Et de ce premier
acier fondu premierement de sa mine ilz gectent en sable des
sab lames de cimeterre qui couppent apres laultre fer
sans grande difficulte pourceque tout fer fondu est plus
dur que le fer douls battu en gueuses & barres Ainsy est
de lacier des cimeterres Mays il est fort brusc Quand on
desbmanche un cimeterre on cognoist bien par la queue
qui entre dans le manche quil est gecte en sable
Ouyr de loing
Fais un petit trou en terre & y pose de nuict ou en temps de
Silence loreille justement & tu entendras aysement la rumeur