124v - - - - - Esmail Rouge clair
Lor fin luy est contraire Car sur iceluy il demeure
iaulnastre Mays lor allie luy est plus propre Comme celuy
descu & pistolet Si Lor f nest remys au foeu en sa seule
couleur blafarde rend les esmauls de morte couleur Ma Et
pour ceste occasion estant taillé on le remect au foeu pour luy
donner couleur comme rougeastre pour faire les esmaulx beaulx
Aultrement ils sont mats
Il y a du rouge clair qui estant use avecq larene perd sa
beaulte
Il sen trouve qui ha des grains dor dedans Et lopinion aussy
des bons orfevres que le bon se faict avecq de lor
Gecter en or
Les moules se recuisent mieulx & plus seurement a feu
clos comme dans un pot four de reverberation que aultrement
De sorte que quand les orfevres veulent gecter quelque
piece dimportance dor e qui ha couste beaucoup a esbaucher
en cire Ilz mectent les moules dans un pot & les revestissent
& emplissent le pot de terre soubstenant le foeu qui les
tient unis et serres Puys recuisent moule terre & pot
ensemble et comme tout est bien rouge ilz gectent lor Lor fin
ne court pas bien Mays bien lor allie
at left middle margin
Lor & largent ne saigrissent point
estant touts rouges et chaults trempes
en leau
at left middle margin
Lor est dun
quart plus pesant
que le plomb
at left middle margin
Quand lor est
en sa parfaicte
chaleur il est verd
comme une esmeraulde
at left middle margin
Garde bien que
la ou tu veulx
gecter de lor
il ne soict point
tumbes de plomb ou
estaim ou chaulx diceulx dans la
forge
Moyen de fayre le gect pour petites
lezardes
Pourceque tu doibs tousjours faire ton gect par la queue
Et quelle est si subtille et deliee que le gect peyneroit metal avecq
difficulte pourroit bien courre Mesmement quand elle est replyee
Roule de la cire a petits filets de ceste grosseur
Figure
et
apliques en avecq le fil de fer chault comme dict est un au bout
de la queue & des aultres qui se raportent par mesme facon
dun bort coste de queue a laultre comme tu vois despainct Mays advise
de faire avecq le bout du fil de fer chault que le bout de la cire
noccupe gueres sur lanimal car le sable du second gect ne toucheroit
pas a ceste partye Mays fais que le bout de la cire se renge
seulement au bort du vuide du premier moule Fais aussy des conduicts
de cire aultour des pattes & aultour des contournemens du corps
qui sont un peu longs & ilz serviront dabreuvoirs a la chose moulee
[continued]
at right bottom margin
suys icy dessus Figure
[continued]
@
at left bottom margin
Quand la queue qui est subtille et
plus pres du gect vient bien le reste
vient bien
at left bottom margin
Le principal est
que les oreilles
viennent bien moulees
du serpent
at left bottom margin
Ton gect doibt
estre fort delie a
lentree de lanimal
& de lespesseur dun costeau
Figure at left bottom margin
[continued]